October 30, 2021
October 30, 2021
ഏറെ ദിവസങ്ങൾക്ക് ശേഷം ഖത്തറിലെ കോവിഡ് കണക്ക് വീണ്ടും നൂറിൽ താഴെയായി. ഇന്ന് 92 പേർക്ക് കൂടി കോവിഡ് രോഗബാധ സ്ഥിരീകരിച്ചതായി ആരോഗ്യമന്ത്രാലയം അറിയിച്ചു. 68 പേർക്ക് സമ്പർക്കത്തിലൂടെ രോഗം ബാധിച്ചപ്പോൾ, 24 പേർ വിദേശരാജ്യങ്ങളിൽ നിന്നും എത്തിയ യാത്രികരാണ്. കഴിഞ്ഞ 24 മണിക്കൂറിനിടെ 88 പേരാണ് കോവിഡിന്റെ പിടിയിൽ നിന്നും മോചിതരായത്. 61 പേരാണ് നിലവിൽ ആശുപത്രികളിൽ കോവിഡ് ചികിത്സയിൽ കഴിയുന്നത്. ഇന്ന് 20202 കോവിഡ് ടെസ്റ്റുകൾ നടത്തുകയും, 1214 ഡോസ് വാക്സിനുകൾ കുത്തിവെക്കുകയും ചെയ്തതായും അധികൃതർ അറിയിച്ചു.
