September 26, 2021
September 26, 2021
ഖത്തറിൽ ഇന്ന് 67 പേർക്ക് പുതുതായി കോവിഡ് രോഗബാധ സ്ഥിരീകരിച്ചതായി ആരോഗ്യമന്ത്രാലയം അറിയിച്ചു. രോഗബാധിതരിൽ 27 പേർ വിദേശരാജ്യങ്ങളിൽ നിന്നും എത്തിയവരാണ്. 40 പേർക്കാണ് ഇന്ന് സമ്പർക്കത്തിലൂടെ രോഗം ലഭിച്ചത്. 125 പേർക്ക് ഇന്ന് രോഗമുക്തി ലഭിച്ചതായും അധികൃതർ അറിയിച്ചു. അതേസമയം, ഏറെ നാളുകൾക്ക് ശേഷം ഇന്ന് രാജ്യത്ത് ഒരു കോവിഡ് മരണം റിപ്പോർട്ട് ചെയ്യപ്പെട്ടിട്ടുണ്ട്. ഇതോടെ ആകെ മരണസംഖ്യ 605 ആയി. ഇന്ന് 4 പേരെ കൂടി ആശുപത്രികളിൽ പ്രവേശിപ്പിച്ചതോടെ ആശുപത്രിയിൽ കഴിയുന്ന രോഗികളുടെ എണ്ണം 61 ആയി. കഴിഞ്ഞ 24 മണിക്കൂറിനിടെ 2454 ഡോസ് കോവിഡ് വാക്സിനുകളാണ് കുത്തിവെക്കപ്പെട്ടത്.
