March 13, 2020
March 13, 2020
ദോഹ : ഖത്തറിൽ 58 പേരിൽ കൂടി വെള്ളിയാഴ്ച കോവിഡ് 19 രോഗബാധ സ്ഥിരീകരിച്ചു. ഇതോടെ രാജ്യത്ത് രോഗം ബാധിച്ചവരുടെ എണ്ണം 320 ആയി. പുതുതായി രോഗം സ്ഥിരീകരിച്ചവരിൽ ഭൂരിഭാഗവും നേരത്തെ രോഗബാധ കണ്ടെത്തിയവരുമായി സമ്പർക്കം പുലർത്തിയവരാണ്.കൊറോണ വൈറസ് രോഗത്തിൽ നിന്ന് മുക്തി നേടാൻ 5 ലളിതമായ രീതികൾ പിന്തുടരാനും പൊതുജനാരോഗ്യ മന്ത്രാലയം നിർദേശിച്ചിട്ടുണ്ട്.
1- ചുരുങ്ങിയത് 20 സെക്കൻഡ് കൈകൾ സോപ്പോ ആൽക്കഹോൾ അടങ്ങിയ സാനിട്ടൈസറോ ഉപയോഗിച്ച് കഴുകണം.
2 - തുമ്മുമ്പോഴും ചുമക്കുമ്പോഴും മൂക്കും വായയും അടങ്ങുന്ന ഭാഗങ്ങൾ മാസ്‌കോ തൂവാലയോ ഉപയോഗിച്ച് മറക്കണം.
3 - പുറത്തു പോയി മറ്റുള്ളവരുമായി സമ്പർക്കമുണ്ടാക്കിയ ശേഷം വായ,മൂക്ക്ക,ണ്ണുകൾ എന്നിവ സ്പർശിക്കാതിരിക്കുക. സോപ്പോ സാനിട്ടൈസറോ ഉപയോഗിച്ച് കൈകൾ നന്നായി കഴുകിയതിന് ശേഷം മാത്രം ഈ ഭാഗങ്ങൾ സ്പർശിക്കുക.
4 - രോഗബാധയുണ്ടെന്ന് സംശയിക്കുന്ന ആരുമായും സമ്പർക്കം പുലർത്തിരിക്കുക.
5 - ചുമ, തുമ്മൽ, പനി എന്നിവ ഉൾപ്പെടെയുള്ള ലക്ഷണങ്ങളുണ്ടെങ്കിൽ അണുബാധ പടരാതിരിക്കാൻ മറ്റുള്ളവരുമായുള്ള സമ്പർക്കം പരിമിതപ്പെടുത്തുക.
പരസ്പരം അഭിവാദ്യം ചെയ്യുമ്പോൾ ഹസ്തദാനം ചെയ്യുന്നത് പൂർണമായും ഒഴിവാക്കണമെന്നും പൊതുജനാരോഗ്യമന്ത്രാലയം നിർദേശിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.
