September 26, 2021
September 26, 2021
ദോഹ : സോമാലിയയിലെ ഹമർ ജജാബ് ജില്ലയിലെ ചെക്ക് പോസ്റ്റിൽ ഉണ്ടായ ആക്രമണത്തിൽ ഖത്തർ അപലപിച്ചു. കാറിൽ വന്ന ചാവേറുകൾ നടത്തിയ ആക്രമണത്തിൽ എട്ട് പേർ കൊല്ലപ്പെടുകയും, നിരവധി പേർക്ക് പരിക്കേൽക്കുകയും ചെയ്തിരുന്നു. സംഭവത്തിന്റെ ഉത്തരവാദിത്തം ഏറ്റെടുത്ത് അൽക്വയ്ദ അനുബന്ധ സംഘടനയായ അൽ ശബാബ് രംഗത്ത് വന്നു.
വിദേശകാര്യമന്ത്രാലയം പുറത്തിറക്കിയ കുറിപ്പിലൂടെയാണ് ഖത്തർ സംഭവത്തിലുള്ള ഞെട്ടൽ രേഖപ്പെടുത്തിയത്. അപകടത്തിൽ പെട്ടവരുടെ ആശ്രിതർക്കും, സോമാലിയൻ ഗവണ്മെന്റിനും ജനതയ്ക്കും പിന്തുണ അറിയിച്ച ഖത്തർ, പരിക്കേറ്റവർ എത്രയും പെട്ടെന്ന് സുഖം പ്രാപിക്കട്ടെ എന്നും ആശംസിച്ചു. തീവ്രവാദത്തെ ചെറുത്തുതോല്പിക്കാൻ സൊമാലിയയ്ക്ക് ഐക്യദാർഡ്യം അറിയിക്കാനും വിദേശകാര്യമന്ത്രാലയം മറന്നില്ല.