October 15, 2021
October 15, 2021
ദോഹ : വ്യവസായമേഖലയിലെ തൊഴിലാളികൾക്ക് വാക്സിൻ നൽകാനായി ആരംഭിച്ച, ഖത്തറിലെ ഏറ്റവും വലിയ വാക്സിനേഷൻ കേന്ദ്രം അടച്ചുപൂട്ടിയതായി ആരോഗ്യമന്ത്രാലയം അറിയിച്ചു. കോവിഡ് പ്രതിരോധത്തിൽ വിലമതിക്കാനാവാത്ത സംഭാവനകൾ നൽകിയ ഈ കേന്ദ്രത്തിലൂടെ 1.6 മില്യൺ ഡോസ് വാക്സിനേഷനാണ് നൽകിയത്. മിസായ്മീറിൽ സ്ഥാപിച്ച കേന്ദ്രത്തിൽ മുന്നൂറിലധികം വാക്സിനേഷൻ സെന്ററുകളാണ് ഒരേസമയം പ്രവർത്തിച്ചിരുന്നത്.
ലോകത്തിലെ തന്നെ ഏറ്റവും വലിയ വാക്സിനേഷൻ കേന്ദ്രത്തിൽ ഒന്നായ ഈ സംരംഭം ഖത്തർ ആരോഗ്യമന്ത്രാലയം, ഹമദ് മെഡിക്കൽ കോർപറേഷൻ, പ്രൈമറി ഹെൽത്ത് കെയർ കോർപറേഷൻ, ഖത്തർ ചാരിറ്റി എന്നിവർ ചേർന്നാണ് സ്ഥാപിച്ചത്. മഹാമാരിയെ നേരിടാൻ ഇത്രയും കാര്യങ്ങൾ ചെയ്യാനായതിൽ അഭിമാനമുണ്ടെന്നും, പ്രവർത്തകർക്ക് നന്ദി അറിയിക്കുന്നു എന്നുമായിരുന്നു കേന്ദ്രത്തിന്റെ വക്താവായ ഡോക്ടർ ഖാലിദ് അബ്ദുൾ നൂറിന്റെ പ്രതികരണം.
