December 26, 2021
December 26, 2021
ദോഹ : കോവിഡ് ഒമിക്രോൺ വകഭേദത്തിന്റെ പശ്ചാത്തലത്തിൽ ഖത്തർ യാത്രാനിബന്ധനകൾ വീണ്ടും കർശനമാക്കുന്നു.കുവൈത്ത്,യു.എ.ഇ,സൗദി അറേബ്യ എന്നീ ഗൾഫ് രാജ്യങ്ങൾക്ക് പുറമെ കൂടുതൽ രാജ്യങ്ങളെ എക്സപ്ഷണൽ റെഡ് ലിസ്റ്റിൽ പുതുതായി ഉൾപ്പെടുത്തിയാണ് ഈ രാജ്യങ്ങളിൽ നിന്നുള്ള യാത്രക്കാർക്കുള്ള യാത്രാ നിബന്ധനകളിൽ വീണ്ടും നിയന്ത്രണങ്ങൾ ഏർപ്പെടുത്തിയത്. മൂന്ന് ഗൾഫ് രാജ്യങ്ങൾക്ക് പുറമെ,ജോർദാൻ,കെനിയ,ലെബനൻ,തുർക്കി തുടങ്ങി ഏഴു രാജ്യങ്ങളെ കൂടി അതിതീവ്ര കോവിഡ് രാജ്യങ്ങളുടെ പട്ടികയിൽ പുതുതായി ഉൾപെടുത്തിയിട്ടുണ്ട്.നിബന്ധനകൾ ഈ മാസം 26 മുതൽ പ്രാബല്യത്തിൽ വരും.
ഇതിന് മുമ്പ് ഡിസംബർ ഒന്ന് ബുധനാഴ്ച വൈകുന്നേരം ആറ് മുതൽ നിലവിൽ വന്ന പട്ടികയിൽ ബോട്സ്വാന, ഈജിപ്ത്, ഇസ്വാറ്റിനി, ലെസോത്തോ, നമീബിയ, ദക്ഷിണാഫ്രിക്ക, സിംബാവെ എന്നീ രാജ്യങ്ങളെ കൂടി ഉൾപെടുത്തിയിരുന്നു.ഇതടക്കം 30 രാജ്യങ്ങളാണ് ഇപ്പോൾ പട്ടികയിലുള്ളത്.എക്സപ്ഷണൽ റെഡ് ലിസ്റ്റിൽ ഉൾപ്പെടുത്തിയ രാജ്യങ്ങളിൽ നിന്നുള്ള യാത്രക്കാർക്ക് ഏഴു ദിവസത്തെ ക്വാറന്റൈൻ നിർബന്ധമാക്കിയിരുന്നു..അതേസമയം, ഇന്ത്യക്കാർക്കുള്ള യാത്രാ നിബന്ധനകളിൽ മാറ്റമില്ല. ഇന്ത്യ, ബംഗ്ലാദേശ്, പാകിസ്താൻ, നേപ്പാൾ ഉൾപ്പെടെയുള്ള രാജ്യങ്ങൾക്ക് രണ്ടു ദിവസമാണ് ഹോട്ടൽ ക്വാറന്റൈൻ.