November 29, 2020
November 29, 2020
ദോഹ: ഖത്തറിൽ ബാങ്കുകളുടെ എ.ടി.എം മെഷിനുകളിൽ നിന്നും പണം പിൻവലിക്കുന്നതിന് നിയന്ത്രണം ഏർപ്പെടുത്തിയതായി സമൂഹ മാധ്യമങ്ങളിൽ വ്യാജവാർത്തകൾ പ്രചരിക്കുന്നു. ഒരു ദിവസം പരമാവധി 5000 റിയാൽ മാത്രമേ എ.ടി.എം വഴി പിൻവലിക്കാൻ സാധിക്കൂ എന്നതടക്കമുള്ള വാർത്തകളാണ് പ്രചരിക്കുന്നത്. എന്നാൽ ഇത്തരത്തിൽ പ്രചരിക്കുന്ന വാർത്തകൾ തെറ്റാണെന്നും പണം പിൻവലിക്കുന്നതിന് നിയന്ത്രണം ഏർപെടുത്തിയിട്ടില്ലെന്നും ഖത്തർ സെൻട്രൽ ബാങ്ക് അറിയിച്ചു.
വ്യാജ സർക്കുലർ ഉദ്ധരിച്ചാണ് ഇത്തരം കെട്ടുകഥകൾ പ്രചരിക്കുന്നതെന്നും സെൻട്രൽ ബാങ്ക് അറിയിച്ചു.
ഔദ്യോഗിക ചാനലുകളിലൂടെ വരുന്ന വാർത്തകൾ മാത്രം വിശ്വസിക്കണമെന്നും തെറ്റായ വാർത്തകൾ പ്രചരിപ്പിക്കുന്നവർക്കെതിരെ നിയമനടപടികൾ സ്വീകരിക്കുമെന്നും സെൻട്രൽ ബാങ്ക് അറിയിച്ചു.
ന്യൂസ്‌റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക.
ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.
