April 14, 2022
April 14, 2022
ദോഹ : കാബിനറ്റിന്റെ പ്രതിവാര യോഗത്തിൽ മൂന്ന് പുതിയ നിയമങ്ങളുടെ കരട് പതിപ്പിന് കൂടി അംഗീകാരം നൽകി. അമീരി ദിവാനിൽ, പ്രധാനമന്ത്രിയും ആഭ്യന്തരമന്ത്രിയുമായ ഷെയ്ഖ് ഖാലിദ് ബിൻ ഖലീഫ ബിൻ അബ്ദുൾ അസീസ് അൽ താനിയുടെ അധ്യക്ഷതയിലാണ് യോഗം ചേർന്നത്. ശേഷം, ക്യാബിനറ്റ് ചുമതലയുള്ള മന്ത്രി മുഹമ്മദ്‌ ബിൻ അബ്ദുള്ള അൽ സുലൈതി തീരുമാനങ്ങൾ പ്രസിദ്ധീകരിച്ചു.
തദ്ദേശമായി നിർമിക്കുന്ന ഉത്പന്നങ്ങളുടെ ലൈസൻസിങ് സംബന്ധമായ രണ്ട് നിയമങ്ങളുടെ കരട് രൂപമാണ് യോഗത്തിൽ ആദ്യം പരിഗണിച്ചത്. ജർമനിയിൽ മെയ് 30 മുതൽ അരങ്ങേറുന്ന ഹാനോവർ വ്യവസായ മേളയിൽ പങ്കെടുക്കുന്നതിനും ക്യാബിനറ്റ് യോഗത്തിൽ അനുമതി നൽകി. നവംബറിൽ, ഫുട്‍ബോൾ ലോകകപ്പ് നടക്കുന്ന സമയത്ത് ഖത്തറിലേക്കുള്ള എൻട്രി വിസ നിയമങ്ങളിൽ മാറ്റം വരുത്താനുള്ള ആഭ്യന്തര മന്ത്രാലയത്തിന്റെ തീരുമാനവും മന്ത്രിസഭ അംഗീകരിച്ചു. ആരോഗ്യമന്ത്രി ഹനൻ മുഹമ്മദ്‌ അൽ കുവാരിയുടെ നേതൃത്വത്തിൽ പതിവ് കോവിഡ് അവലോകനവും യോഗത്തിൽ നടന്നു.
