February 01, 2022
February 01, 2022
അമേരിക്കൻ പ്രസിഡന്റ് ജോ ബൈഡനും ഖത്തർ അമീർ ഷെയ്ഖ് തമിം ബിൻ ഹമദ് അൽതാനിയും കൂടിക്കാഴ്ച്ച നടത്തി. ഇരുരാജ്യങ്ങൾക്കും ഇടയിലെ നയതന്ത്ര ബന്ധം കൂടുതൽ ദൃഢമാക്കാനുള്ള നടപടികളാണ് യോഗത്തിൽ ചർച്ച ചെയ്തത്.ഖത്തറുമായി കഴിഞ്ഞ 50 വർഷമായി മികച്ച ബന്ധമാണ് രാജ്യത്തിനുള്ളതെന്നും, ഖത്തർ സഖ്യകക്ഷിക്ക് സമാനമാണെന്നുമാണ് ബൈഡൻ അഭിപ്രായപ്പെട്ടത്.
ബോയിങ് വിമാനക്കമ്പനിയുമായി 20 ബില്യൺ അമേരിക്കൻ ഡോളറിന്റെ ഉടമ്പടിയിൽ ഖത്തർ അമീർ ഒപ്പുവെക്കുകയും ചെയ്തു. ഇതുവഴി ആയിരക്കണക്കിന് അമേരിക്കക്കാർക്ക് തൊഴിൽ അവസരം ലഭിക്കും. മിഡിൽ ഈസ്റ്റ് മേഖലയിലെ സമാധാനവും സുരക്ഷയും നിലനിർത്താനുള്ള നീക്കങ്ങളായിരുന്നു മീറ്റിങ്ങിലെ മുഖ്യ അജണ്ടകളിൽ ഒന്ന്. അഫ്ഗാനിലെ ജനങ്ങൾക്ക് വേണ്ടി സ്വീകരിക്കേണ്ട നയങ്ങൾ, അന്താരാഷ്ട്ര തലത്തിലെ ഇന്ധന വിതരണം എന്നിവയും ചർച്ചയുടെ ഭാഗമായി.
