April 17, 2022
April 17, 2022
ദോഹ : ലോകഫുട്‍ബോളിന്റെ ആവേശത്തിമിർപ്പുകൾക്ക് കേളികൊട്ടുയരാൻ മാസങ്ങൾ മാത്രം അവശേഷിക്കെ,ഇത്തവണത്തെ ചെറിയപെരുന്നാൾ ആഘോഷം അവിസ്മരണീയമാക്കാൻ ഒരുങ്ങുകയാണ് ഖത്തർ ടൂറിസം.മെയ് 3 മുതൽ 5 വരെ വിപുലമായ ആഘോഷപരിപാടികൾക്കാണ് ഖത്തർ ടൂറിസം തയാറെടുക്കുന്നത്.ദോഹ കോർണിഷിലാണ് മൂന്ന് ദിവസം നീണ്ടുനിൽക്കുന്ന ഈദ് ഫെസ്റ്റിവൽ നടക്കുക.'റമദാൻ ഗബ്ഗ' എന്ന പേരിൽ അറിയപ്പെടുന്ന രാത്രി രണ്ടു മണിവരെ നീണ്ടുനിൽക്കുന്ന റമദാൻ കൂടിച്ചേരലുകളും പ്രത്യേക നോമ്പ് വിഭവങ്ങളും തന്നെയായിരിക്കും പ്രധാന ആകർഷണം. ഫെസ്റ്റിവലിൽ പങ്കാളികളാവാൻ രാജ്യത്തെ പ്രമുഖ റെസ്റ്റോറന്റുകളെയും ഹോസ്പിറ്റാലിറ്റി സ്ഥാപനങ്ങളെയും ഖത്തർ ടൂറിസം സ്വാഗതം ചെയ്തിട്ടുണ്ട്.
മേഖലയിലെ ആദ്യത്തെ ഭീമൻ ബലൂൺ പ്രദർശനം,വെടിക്കെട്ട്,വിവിധ കാർണിവൽ ഗെയിമുകൾ,പരമ്പരാഗത മാർച്ചിങ് പരേഡുകൾ,അറബ് സാംസ്‌കാരിക പൈതൃകം വിളിച്ചോതുന്ന പ്രദർശനങ്ങൾ എന്നിവയും മൂന്നു ദിവസത്തെ ഈദ് ഫെസ്റ്റിവലിന്റെ ഭാഗമായി അരങ്ങേറും.
ഖത്തറിൽ താമസിക്കുന്ന മുഴുവൻ ജനങ്ങൾക്കും കുടുംബങ്ങൾക്കും കുട്ടികൾക്കും ഒരുപോലെ ആസ്വദിക്കാൻ കഴിയുന്ന തരത്തിലാണ് ഈദ് ഫെസ്റ്റിവൽ ഒരുക്കുകയെന്ന് ഖത്തർ ടൂറിസം മന്ത്രാലയം അറിയിച്ചു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
