June 02, 2021
June 02, 2021
ദോഹ : കോവിഡ് വ്യാപനം കണക്കിലെടുത്ത് ഖത്തറിലെ തപാൽ സ്ഥാപനമായ ഖത്തർ പോസ്റ്റ് പ്രത്യേക സേവനങ്ങൾ കൂടി ഏർപ്പെടുത്തിയ പശ്ചാത്തലത്തിൽ വ്യാജസന്ദേശങ്ങൾ അയച്ച് ചിലർ പണം തട്ടാൻ ശ്രമിക്കുന്നതായി അധികൃതർ അറിയിച്ചു.കോവിഡ് കാലമായതിനാല് നിരവധി സേവനങ്ങളാണ് ഇപ്പോള് ഖത്തര് പോസ്റ്റിലൂടെ ജനത്തിന് ലഭിക്കുന്നത്. ആശുപത്രി രേഖകള്, മരുന്നുകള് തുടങ്ങിയവ ഖത്തര് പോസ്റ്റ് വഴി ഉപഭോക്താക്കളുടെ വീട്ടുപടിക്കല് എത്തും. ഈ സാഹചര്യമാണ് തട്ടിപ്പുകാര് മുതലെടുക്കുന്നത്. ഖത്തര് പോസ്റ്റിെന്റ പേരില് ചിലര് ജനങ്ങള്ക്ക് സന്ദേശം അയക്കുന്നുണ്ടെന്നും ഇതിനെതിരെ ജാഗ്രത പാലിക്കണമെന്നും അധികൃതര് അറിയിച്ചു. മുന്കൂറായി പണം അടക്കണമെന്നു പറഞ്ഞ് തങ്ങള് സന്ദേശം അയക്കാറില്ലെന്ന് ഖത്തര് പോസ്റ്റ് അറിയിച്ചു.
ഓണ്ലൈനായി ഓര്ഡര് നല്കുന്ന സമയം തന്നെ പ്രൈമറി ഹെല്ത്ത് കെയര് കോര്പറേഷന് (പി.എച്ച്.സി.സി) മരുന്നുകള്ക്കാവശ്യമായ പണം സ്വീകരിക്കുന്നുണ്ട്. ഡെലിവറി സമയത്ത് മാത്രമാണ് പോസ്റ്റല് ചാര്ജ് ഖത്തര് പോസ്റ്റ് സ്വീകരിക്കുന്നത്. ഈ വിവരങ്ങള് ഉപയോഗിച്ചാണ് തട്ടിപ്പുകാര് ഉപഭോക്താക്കളെ വഞ്ചിക്കുന്നത്. യഥാര്ഥ ഡെലിവറി എത്തുന്നതിന് മുമ്പായി ഡെലിവറി ചാര്ജ് അടക്കണം എന്നാവശ്യപ്പെട്ട് ഉപഭോക്താക്കള്ക്ക് സന്ദേശമയച്ചോ ഫോണ് ചെയ്തോ കെണിയില് വീഴ്ത്തുകയാണ്. ഇത്തരം വ്യാജസന്ദേശങ്ങളെ കരുതിയിരിക്കണം. തട്ടിപ്പ് സന്ദേശങ്ങള് ശ്രദ്ധയില്പെട്ടാല് ഉടന് ഹെല്പ് ഡെസ്കായ 104ല് ബന്ധപ്പെടണമെന്നും ഖത്തര് പോസ്റ്റ് ഉപഭോക്താക്കള്ക്ക് നിര്ദേശം നല്കി.
പണമിടപാട് നടത്താനും ബാങ്ക് വിവരങ്ങള് ചോദിച്ചുമുള്ള തട്ടിപ്പ് ഇ-മെയിലുകള്, മൊബൈല് സന്ദേശങ്ങള്, ഫോണ് കോളുകള് എന്നിവയും ഉപഭോക്താക്കള്ക്ക് വരുന്നുണ്ട്. സംശയകരമായ സാഹചര്യത്തിലുള്ള ഫോണ് കോളുകളോ സന്ദേശമോ, ഇ-മെയിലുകളോ ലഭിക്കുകയാണെങ്കില് ഹെല്പ് ഡെസ്കായ 104ല് നിര്ബന്ധമായും ബന്ധപ്പെടണം.
കോവിഡ്-19 കാരണം നിരവധി സ്ഥാപനങ്ങളുടെ സേവനങ്ങള് നിലവില് ഖത്തര് പോസ്റ്റ് വഴിയാണ് നല്കിവരുന്നത്.പ്രൈമറി ഹെല്ത്ത് കെയര് കോര്പറേഷന് കീഴിലും ഹമദ് മെഡിക്കല് കോര്പറേഷന് (എച്ച്.എം.സി) കീഴിലെയും സ്ഥാപനങ്ങളില് നിന്നുള്ള മരുന്നുകളും മെഡിക്കല് സേവനങ്ങളും സര്ട്ടിഫിക്കറ്റുകളും ഖത്തര് പോസ്റ്റ് വഴിയാണ് നല്കുന്നത്.
എച്ച്.എം.സിയുടെ ഹോം ഹെല്ത്ത് കെയര് സര്വിസിന് കീഴിലെ രോഗികള്ക്ക് മെഡിക്കല് സേവനങ്ങള് വീടുകളിലേക്കെത്തിക്കാന് ഖത്തര് പോസ്റ്റിന് സാധിക്കുന്നുണ്ട്. എച്ച്.എം.സിയും ഖത്തര് പോസ്റ്റും തമ്മിലുള്ള കരാറിെന്റ ഭാഗമായാണിത്. ഗ്ലൗ, ബാന്ഡേജ്, െഡ്രസിങ്സ് തുടങ്ങിയ സേവനങ്ങളും രോഗികളുടെ വീടുകളിലേക്കെത്തിക്കുന്നുണ്ട്. രോഗികളുടെ പ്രയാസങ്ങള് നീക്കി നൂതന സംവിധാനങ്ങള് ഉപയോഗിച്ച് അവര്ക്കുള്ള സേവനങ്ങള് ലഭ്യമാക്കുകയാണ് ലക്ഷ്യം.
ന്യൂസ്റൂം ഫെയ്സ്ബൂക് ഗ്രൂപ്പിൽ അംഗമായി നിങ്ങൾ നേരിടുന്ന പ്രശ്നങ്ങളും വാർത്തകളും ഞങ്ങളെ അറിയിക്കാം