November 30, 2019
November 30, 2019
ദോഹ : ഡിസംബർ മാസത്തേക്കുള്ള പുതുക്കിയ ഇന്ധന നിരക്കുകൾ ഖത്തർ പെട്രോളിയം പ്രഖ്യാപിച്ചു. ഇതനുസരിച്ച് സൂപ്പർ ഗ്രേഡ് പെട്രോളിനും ഡീസലിനും നവംബറിലെ നിരക്ക് തന്നെ തുടരും. അതേസമയം പ്രീമിയം ഗ്രേഡ് പെട്രോൾ ലിറ്ററിന് നവംബറിലെ നിരക്കിനെ അപേക്ഷിച്ച് അഞ്ച് ദിർഹത്തിന്റെ വർധനവുണ്ടാകും. പ്രീമിയം പെട്രോൾ വില നവംബറിൽ 1 റിയാൽ 70 ദിർഹം ആയിരുന്നത് 1 റിയാൽ 75 ദിർഹമായാണ് വർധിച്ചത്.
സൂപ്പർ ഗ്രേഡ് പെട്രോൾ ലിറ്ററിന് നവംബറിലെ നിരക്കായ1 റിയാൽ 90 ദിർഹവും ഡീസൽ ലിറ്ററിന് 1 റിയാൽ 85 ദിർഹവും തന്നെ ഡിസംബറിലും തുടരും. ഒക്ടോബർ - നവംബർ മാസങ്ങളിൽ പ്രീമിയം ഗ്രേഡ് പെട്രോളിന് മുൻമാസങ്ങളെ അപേക്ഷിച്ച് വിലവർധിപ്പിച്ചിരുന്നില്ല.പുതുക്കിയ ഇന്ധന നിരക്കുകൾ ഖത്തർ പെട്രോളിയത്തിന്റെ ഔദ്യോഗിക വെബ്സൈറ്റിൽ പ്രസിദ്ധീകരിച്ചിട്ടുണ്ട്.