August 31, 2020
August 31, 2020
ദോഹ : ഖത്തറിൽ സെപ്തംബർ മാസത്തേക്കുള്ള ഇന്ധന വില പ്രഖ്യാപിച്ചു. ഇതനുസരിച്ച് പ്രീമിയം,സൂപ്പർ പ്രീമിയം പെട്രോളിനും ഡീസലിനും ആഗസ്റ്റിലെ നിരക്ക് തന്നെ തുടരും.ഖത്തർ പെട്രോളിയമാണ് അടുത്ത മാസത്തേക്കുള്ള ഇന്ധന നിരക്കുകൾ പ്രഖ്യാപിച്ചത്.
ഇതനുസരിച്ച്,പ്രീമിയം പെട്രോൾ ലിറ്ററിന് ആഗസ്റ്റിലെ നിരക്കായ 1 റിയാൽ 20 ദിർഹം തന്നെ തുടരും. സൂപ്പർ പെട്രോൾ ലിറ്ററിന് ആഗസ്റ്റിലെ നിരക്കായ 1 റിയാൽ 25 റിയാൽ തന്നെയാണ് ഈടാക്കുക. ഡീസലിനും നിരക്കിൽ മാറ്റമില്ല. 1 റിയാൽ 25 ദിർഹം തന്നെയായിരിക്കും അടുത്ത മാസത്തെയും നിരക്ക്.
കഴിഞ്ഞ മാസമാണ് രാജ്യത്തെ ഇന്ധന വിലയിൽ നേരിയ വർദ്ധനവ് വരുത്തിയത്. ജൂലായ് മാസത്തെ അപേക്ഷിച്ച് ആഗസ്റ്റിൽ പ്രീമിയം പെട്രോളിന് 10 ദിർഹവും സൂപ്പർ പെട്രോളിന് 5 ദിർഹവും ഡീസൽ ലിറ്ററിന് 15 ദിർഹവും വർധിപ്പിച്ചിരുന്നു.
രാജ്യാന്തര വിപണിയിലെ ക്രൂഡോയിൽ വില കണക്കാക്കിയാണ് ഖത്തർ പെട്രോളിയം എല്ലാ മാസവും ആഭ്യന്തര വിപണിയിലെ ഇന്ധന വില പുതുക്കി നിശ്ചയിക്കുന്നത്.
ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.
