March 16, 2023
March 16, 2023
ന്യൂസ്റൂം ബ്യൂറോ
ദോഹ: വാരാന്ത്യത്തില് ശക്തമായ കാറ്റിന് സാധ്യതയുണ്ടെന്ന് ഖത്തര് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്.
നിലവിലെ താപനില 22 ഡിഗ്രി സെല്ഷ്യസിനും 27 ഡിഗ്രി സെല്ഷ്യസിനും ഇടയിലാണ്. നേരിയ മഴയ്ക്കും ചെറിയ പൊടിക്കാറ്റിനും സാധ്യതയുണ്ട്. വടക്കുകിഴക്ക്, വടക്കുപടിഞ്ഞാറ് ദിശയിലായിരിക്കും കാറ്റ് വീശുക. 6 മുതല് 16 നോട്ടിക്കല് മൈല് വേഗതയില് വരെ കാറ്റ് വീശും. 3 മുതല് 7 അടി വരെ ഉയരത്തില് ശക്തമായ തിരമാലകള് ഉണ്ടാകാന് സാധ്യതയുണ്ട്.
നാളെ ശക്തമായ കാറ്റിന് സാധ്യതയുണ്ട്. താപനില 19-നും 27 ഡിഗ്രി സെല്ഷ്യസിനും ഇടയിലായിരിക്കും. വടക്കുപടിഞ്ഞാറ് ദിശയില് 10 മുതല് 20 നോട്ടിക്കല് മൈല് വേഗതയില് കാറ്റ് വീശും.
മേഘാവൃതമായ അന്തരീക്ഷമായിരിക്കും ശനിയാഴ്ചയിലേതെന്ന് കാലാവസ്ഥ നിരീക്ഷണവകുപ്പ്. 18-നും 28 ഡിഗ്രി സെല്ഷ്യസിനും ഇടയിലായിരിക്കും താപനില. വടക്കുപടിഞ്ഞാറ് ദിശയില് 8 മുതല് 18 നോട്ടിക്കല് മൈല് വേഗതയിലാണ് കാറ്റ് വീശുക. 10 അടി ഉയരത്തില് വരെ ശക്തമായ തിരമാലകള് ഉണ്ടാകാന് സാധ്യതയുണ്ടെന്ന് മുന്നറിയിപ്പ് നല്കി.
ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക https://chat.whatsapp.com/BA70KEJMeBmGW92ahNcBva