August 07, 2022
August 07, 2022
ദോഹ : വിദ്യാഭ്യാസ, ഉന്നത വിദ്യാഭ്യാസ മന്ത്രാലയം ആൺകുട്ടികൾക്കും പെൺകുട്ടികൾക്കുമായി അഞ്ച് പുതിയ പ്രിപ്പറേറ്ററി, സെക്കൻഡറി സ്കൂളുകൾ തുറന്നു.വിദ്യാർത്ഥികൾക്ക് ഏറ്റവും മികച്ച വിദ്യാഭ്യാസം നൽകുന്നതിനും ഖത്തറിന്റെ വികസന ലക്ഷ്യങ്ങളും വിഷൻ 2030 ലക്ഷ്യം കൈവരിക്കാനും ലക്ഷ്യമാക്കിയാണ് പുതിയ സ്കൂളുകൾ തുറന്നതെന്ന് മന്ത്രാലയം വ്യക്തമാക്കി.
അൽ-വക്രയിലെ ആൺകുട്ടികൾക്കായുള്ള അംർ ഇബ്നു അൽ-ആസ് സെക്കൻഡറി സ്കൂൾ,റൗദത്ത് അൽ ഹമാമയിലെ ആൺകുട്ടികൾക്കായുള്ള തൽഹ ബിൻ ഉബൈദുല്ലാഹ് പ്രിപ്പറേറ്ററി സ്കൂൾ,ഉമ്മുസലാൽ മുഹമ്മദിലെ പെൺകുട്ടികൾക്കായുള്ള റംല ബിൻത് അബി സുഫ്യാൻ സെക്കൻഡറി സ്കൂൾ,ബുഫാസിലയിലെ പെൺകുട്ടികൾക്കായുള്ള ഹിന്ദ് ബിൻത് അംർ അൽ-അൻസാരിയ പ്രിപ്പറേറ്ററി സ്കൂൾ,വുഖൈറിലെ ആൺകുട്ടികൾക്കായുള്ള സയീദ് ബിൻ സായിദ് പ്രിപ്പറേറ്ററി സ്കൂൾ എന്നിവയാണ് പുതുതായി ആരംഭിച്ച സ്കൂളുകൾ.
2022-2023 അധ്യയന വർഷത്തിൽ ഈ സ്കൂളുകളിൽ പ്രവേശനം അനുവദിച്ചു തുടങ്ങും.
ന്യൂസ്റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597