December 28, 2022
December 28, 2022
ന്യൂസ്‌റൂം ബ്യുറോ
ദോഹ : ഓൺലൈൻ തട്ടിപ്പുകൾക്ക് ഇരയാവാതിരിക്കാൻ ഇന്റർനെറ്റ് സുരക്ഷിതമായിഉപയോഗിക്കണമെന്ന് സൈബർ സുരക്ഷയ്ക്കായുള്ള ദേശീയ ഏജൻസി മുന്നറിയിപ്പ് നൽകി.ഇന്റർനെറ്റ് സുരക്ഷിതമായി സെർഫ് ചെയ്യുന്നതിനുള്ള മാർഗനിർദേശങ്ങൾ സഹിതമാണ് അധികൃതർ ഇക്കാര്യത്തിൽ മുന്നറിയിപ്പ് നൽകിയത്. സമൂഹ മാധ്യമങ്ങൾ വഴിയുള്ള സാമ്പത്തിക തട്ടിപ്പുകളുടെയും ഹാക്കിംഗിന്റെയും കെണിയിൽ വീഴാതിരിക്കാൻ താഴെപറയുന്ന നിർദേശങ്ങൾ പാലിക്കണമെന്ന് ട്വിറ്റർ അക്കൗണ്ടിൽ പ്രസിദ്ധീകരിച്ച വിശദീകരണ വീഡിയോയിലൂടെ സൈബർ സുരക്ഷാ വിഭാഗം നിർദേശിച്ചു.
1- ഉപയാക്താക്കൾ തങ്ങളുടെ വിശദമായ മേൽവിലാസമോ ദിനചര്യകളും സമൂഹ മാധ്യമങ്ങളിൽ നൽകരുത്.ഫോൺ നമ്പർ, ഐഡി കാർഡുകളുടെ ചിത്രങ്ങൾ എന്നിവ ഉൾപ്പെടെയുള്ള വിശദാംശംങ്ങൾ സമൂഹ മാധ്യമ അക്കൗണ്ടുകളിൽ പങ്കുവെക്കരുത്.,
2- നിങ്ങളെ ട്രാക്ക് ചെയ്യാനും നിങ്ങളുടെ ജീവിതവുമായി ബന്ധപ്പെട്ട വിശദാംശങ്ങൾ കണ്ടെത്താനും ആരെയെങ്കിലും പ്രേരിപ്പിക്കുന്ന വിവരങ്ങൾ ഒഴിവാക്കുക
3- സംശയാസ്പദമെന്ന് കരുതുന്ന അജ്ഞാത ഉറവിടങ്ങളിൽ നിന്നുള്ള ഒരു ലിങ്കും തുറക്കരുത്. ഇത് നിങ്ങളുടെ അക്കൗണ്ട് ഹാക്ക് ചെയ്യുന്നതിനുള്ള ഗേറ്റ്‌വേ ആയി മാറിയേക്കും.
4- വെബ്‌സൈറ്റുകളിൽ പ്രവേശിക്കുമ്പോൾ നഅവർ നൽകുന്ന സ്വകാര്യതാ നയം പരിശോധിക്കുകയും അപ്‌ഡേറ്റ് ചെയ്യുകയും അത് പരമാവധി പ്രയോജനപ്പെടുത്തുകയും ചെയ്യുക
5- ആന്റി-വൈറസ് സോഫ്‌റ്റ്‌വെയർ ഉപയോഗിക്കുകയും അത് ഇടയ്ക്കിടെ അപ്‌ഡേറ്റ് ചെയ്യുകയും വേണം.
6- സോഷ്യൽ നെറ്റ്‌വർക്കിംഗ് സൈറ്റുകളിൽ രജിസ്‌ട്രേഷൻ ആവശ്യമുള്ള ഗെയിമിംഗ് ആപ്ലിക്കേഷനുകൾ പോലുള്ള മൂന്നാം കക്ഷി പ്രോഗ്രാമുകൾക്കായി രജിസ്റ്റർ ചെയ്യുമ്പോൾ ശ്രദ്ധിക്കുക. അത്തരം പ്രോഗ്രാമുകൾക്കായി എല്ലായ്പ്പോഴും ഒരു പ്രത്യേക ഇമെയിൽ മാത്രം ഉപയോഗിക്കാൻ ശ്രമിക്കുക.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക.
