August 01, 2021
August 01, 2021
ദോഹ: ഖത്തറും ബഹ്‌റൈനും തമ്മില്‍ പതിറ്റാണ്ടുകള്‍ നീണ്ട ദ്വീപു തര്‍ക്കം വീണ്ടും ഓണ്‍ലൈനില്‍ ചര്‍ച്ചയാവുന്നു. സോഷ്യല്‍ മീഡിയ ഉപയോക്താക്കള്‍ക്കിടയിലാണ് ചൂടേറിയ ചര്‍ച്ച നടക്കുന്നത്. ഹവാര്‍ ദ്വീപും അല്‍ സുബാറ കോട്ടയുമാണ് ചര്‍ച്ചാ വിഷയം.
ഖത്തറില്‍ ഹവാര്‍ ദ്വീപുകളുടെ അവകാശങ്ങളുമായി ബന്ധപ്പെട്ട ട്വിറ്റര്‍ പോസ്റ്റുകള്‍ക്ക് പ്രതികരണമായി #Hawar Is Bahraini ട്വിറ്റര്‍ ഹാഷ്ടാഗുകള്‍ ബഹറൈനികളുടെതായി ഉയര്‍ന്നത്. ട്വിറ്ററിലെ ഈ തര്‍ക്കം രണ്ട് ഗള്‍ഫ് രാജ്യങ്ങള്‍ തമ്മിലുള്ള ചരിത്രപരമായ അവകാശ വാദങ്ങളുടെ പ്രതിഫലനമാണ്. ഖത്തറിന്റഎ ഭൂപരിധിയില്‍ നിന്ന് 1.9 കിലോമീറ്റര്‍ അകലെയാണ് ഹവാര്‍ ദ്വീപസമൂഹമെന്നാണ്് ബഹ്‌റൈന്‍ അധികാരികള്‍ പണ്ടേ അവകാശപ്പെട്ടിരുന്നു.ഖത്തറിന്റെ വടക്കുപടിഞ്ഞാറന്‍ തീരത്തിനടുത്തുള്ള അല്‍ സുബാറ കോട്ടയുടെ മോലും ബഹ്‌റൈന്‍ അവകാശമുന്നയിച്ചിരുന്നു. എന്നാല്‍ ഇത് അന്താരാഷ്ട്രതലത്തില്‍ ഖത്തര്‍ ഭൂമിയായി അംഗീകരിക്കപ്പെട്ടതാണ്. ഹവാര്‍ മാത്രമല്ല, ദില്‍മൂന്‍ ദ്വീപ് മുഴുവനും ഖത്തറിന്റെതാണെന്ന് വിഷയത്തെ കുറിച്ച് പ്രതികരിച്ച ഖത്തര്‍ ഇന്റലിജന്‍സ് മുന്‍ ബ്രിഗേഡിയര്‍ ജനറല്‍ ശഹീന്‍ അല്‍ സുലൈത്തി പറഞ്ഞു. ഖത്തറിലെ ജനങ്ങളാണ് ബഹ്റൈനിലെ ഇറാനിയന്‍ ഭരണാധികാരിയായ നസറിനെ (നാസിര്‍ അല്‍ മദ്കൂര്‍) പുറത്താക്കിയതെന്നും അദ്ദേഹം പറഞ്ഞു.
