September 24, 2019
September 24, 2019
നിലവിലെ ലോക സാഹചര്യത്തില്‍ അമീര്‍ ശൈഖ് തമീം ബിന്‍ ഹമദ് ആല്‍ഥാനിയുടെ യു.എന്‍ പൊതുസഭയിലെ പ്രഭാഷണത്തിന് ഏറെ പ്രാധാന്യമുണ്ട്.
ദോഹ: ന്യൂയോർക്ക് സിറ്റിയിലെ ഐക്യരാഷ്ട്ര സഭ ആസ്ഥാനത്ത് ഇന്ന്(ചൊവ്വാഴ്ച) നടക്കുന്ന 74ാമത് പൊതുസഭ ഉന്നതതല ഡിബേറ്റില്‍ അമീര്‍ ശൈഖ് തമീം ബിന്‍ ഹമദ് ആല്‍ഥാനി സംസാരിക്കും. സെപ്റ്റംബര്‍ 17നാണ് യു.എൻ പൊതുസഭയുടെ സെഷന്‍ തുടങ്ങിയത്. ഇതിന്റെ ആദ്യ ഉന്നതതല പൊതുഡിബേറ്റാണ് ചൊവ്വാഴ്ച നടക്കുന്നത്. ഐക്യരാഷ്ട്രസഭയുടെ ന്യൂയോര്‍ക്കിലുള്ള ആസ്ഥാനത്താണ് സമ്മേളനം.ഫ്രാന്‍സ്, ബ്രിട്ടന്‍ സന്ദര്‍ശനത്തിന് ശേഷമാണ് അമീര്‍ കഴിഞ്ഞ ദിവസം ന്യൂയോര്‍ക്കില്‍ എത്തിയത്.ഫ്രാന്‍സില്‍ പ്രസിഡന്‍റ് ഇമ്മാനുവല്‍ മാക്രോക്രാണുമായും ബ്രിട്ടനില്‍ ബ്രിട്ടീഷ് പ്രധാനമന്ത്രി ബോറിസ് ജോണ്‍സണുമായും അമീര്‍ കൂടിക്കാഴ്ചയും ചര്‍ച്ചയും നടത്തിയിരുന്നു. നിലവിലെ ലോക സാഹചര്യത്തില്‍ അമീര്‍ ശൈഖ് തമീം ബിന്‍ ഹമദ് ആല്‍ഥാനിയുടെ യു.എന്‍ പൊതുസഭയിലെ പ്രഭാഷണത്തിന് ഏറെ പ്രാധാന്യമുണ്ട്.
ന്യൂയോര്‍ക്കിലെത്തിയ അമീര്‍ ശൈഖ് തമീം ബിന്‍ ഹമദ് ആല്‍ഥാനി കുവൈത്ത് അമീര്‍ ശൈഖ് സബാഹ് അല്‍ അഹ്മദ് അല്‍ ജാബിര്‍ അല്‍ സബാഹുമായും നേരത്തെ കൂടിക്കാഴ്ച നടത്തിയിരുന്നു.ന്യൂയോര്‍ക്കിലുള്ള കുവൈത്ത് അമീറിന്റെ വസതിയിലായിരുന്നു കൂടിക്കാഴ്ച
