September 23, 2022
September 23, 2022
അൻവർ പാലേരി
ദോഹ : 'ഓസ്കാർ ഓഫ് ഏവിയേഷ'ന്റെ ലോകത്തെ ഏറ്റവും മികച്ച എയർലൈൻസിനുള്ള പുരസ്കാരം തുടർച്ചയായ ഏഴാം വർഷവും ഖത്തർ എയർവേയ്സിന്.ലോകത്തെ ഏറ്റവും മികച്ച 350 വിമാനക്കമ്പനികളിൽ നിന്നാണ് ഏറ്റവും മികച്ച എയർലൈൻസായി ഖത്തർ എയർവേയ്സിനെ തെരഞ്ഞെടുത്തത്.സിംഗപ്പൂർ എയർലൈൻസ് രണ്ടാം സ്ഥാനത്തും എമിറേറ്റ്സ് മൂന്നാം സ്ഥാനത്തുമാണ്.യുകെയിലെ മുൻനിര എയർലൈൻസായ ബ്രിട്ടീഷ് എയർവേയ്സ് തുടർച്ചയായ രണ്ടാം വർഷവും 11-ാം സ്ഥാനത്താണ്.
അതേസമയം, വടക്കേ അമേരിക്കയിലെ ഒന്നാം നമ്പർ കാരിയറായ ഡെൽറ്റ എയർ ലൈൻസ് 24-ാം സ്ഥാനത്താണ്., ക്വാണ്ടാസ് എയർലൈൻ ഓസ്ട്രേലിയ/പസഫിക്കിൽ ഒന്നാമതും ആഗോള റാങ്കിംഗിൽ എട്ടാം സ്ഥാനത്ത് നിന്ന് അഞ്ചാം സ്ഥാനത്തേക്ക് മുന്നേറുന്നതായും റാങ്കിങ് റിപ്പോർട്ടിൽ പറയുന്നു.
"കോവിഡ്-19 പാൻഡെമിക്കിലുടനീളം സ്ഥിരമായി പറന്ന ഏറ്റവും വലിയ എയർലൈനാണ് ഖത്തർ എയർവേയ്സ്..അവരുടെ ശൃംഖല ഒരിക്കലും 30 ലക്ഷ്യസ്ഥാനങ്ങളിൽ താഴെയായില്ല, ഈ നിശ്ചയദാർഢ്യമാണ് 2022 ലെ ഏറ്റവും മികച്ച എയർലൈൻ എന്ന പുരസ്കാരത്തിന് ഖത്തർ എയർവേയ്സിനെ അർഹമാക്കിയത്."-അവാർഡ് കമ്മറ്റി വ്യക്തമാക്കി.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക