September 15, 2022
September 15, 2022
ന്യൂസ്റൂം ബ്യുറോ
ദോഹ : ലോകകപ്പ് തുടങ്ങി അവസാനിക്കുന്നത് വരെ സെൻട്രൽ ദോഹയിൽ സ്വകാര്യ വാഹനങ്ങൾക്ക് കർശന നിയന്ത്രണം ഏർപെടുത്തുമെന്ന് മുന്നറിയിപ്പ്.പൊതുഗതാഗതം സുഗമമാക്കാൻ ലക്ഷ്യമാക്കിയാണ് നടപടിയെന്ന് ആഭ്യന്തര മന്ത്രാലയത്തിലെ കോർണിഷ് ക്ലോഷർ കമ്മിറ്റി ടെക്‌നിക്കൽ ടീം മേധാവി ഫസ്റ്റ് ലെഫ്റ്റനന്റ് ഖാലിദ് അൽ മുല്ല ഖത്തർ റേഡിയോയോട് പറഞ്ഞു.
സെൻട്രൽ ദോഹയിലെ ഉൾറോഡുകൾക്കൊപ്പം എ,ബി, സി റിങ് റോഡുകളിലും നിയന്ത്രണമുണ്ടാകും.
ഘോഷയാത്രകൾ, ബസുകൾ, കളിക്കാരുടെ വാഹനങ്ങൾ, ഫിഫ വാഹനങ്ങൾ, പൊതുവാഹനങ്ങൾ എന്നിവയ്ക്ക് പാർക്ക് & റൈഡ് സ്റ്റേഷനുകളിൽ കൃത്യമായി എത്താൻ സൗകര്യമൊരുക്കുന്നതിനൊപ്പം കവലകളിൽ സുഗമമായ ഗതാഗതം ഉറപ്പാക്കാനാണ് പദ്ധതിയിലൂടെ ലക്ഷ്യമാക്കുന്നതെന്നും അദ്ദേഹം കൂട്ടിച്ചേർത്തു.അതേസമയം,അടിയന്തര സ്വഭാവമുള്ള വാഹനങ്ങൾക്ക് ഈ ഭാഗങ്ങളിൽ അനുമതി നൽകും.
ഗതാഗതനിയന്ത്രണം സംബന്ധിച്ച വിശദാംശങ്ങൾ പിന്നീട് പുറത്തിറക്കും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക
