March 24, 2022
March 24, 2022
ദോഹ : ഖത്തറിലെ ഇന്ത്യൻ പ്രവാസി സമൂഹത്തിന്റെ ഉത്സവമായ "പാസേജ് ടു ഇന്ത്യ' പരിപാടി ഇന്ന് ആരംഭിക്കും. മിയ പാർക്കിൽ നടക്കുന്ന പരിപാടി ശനി വരെ നീണ്ടുനിൽക്കും. ഇന്ത്യൻ എംബസിയും, ഐ.സി.സി.യും ഖത്തർ സാംസ്കാരിക മന്ത്രാലയവുമായി സഹകരിച്ചാണ് പരിപാടി നടത്തുന്നത്.
ഖത്തറിലെ ദീർഘകാല പ്രവാസികളെ പരിപാടിയിൽ ആദരിക്കും. ഖത്തറിലെ ഇന്ത്യൻ സ്കൂളുകളും, സാംസ്കാരിക സംഘടനകളും അണിയിച്ചൊരുക്കുന്ന കലാപരിപാടികളാണ് പാസേജ് ടു ഇന്ത്യയുടെ മുഖ്യ ആകർഷണം. ഒപ്പം, ഖത്തർ പ്രതിരോധ മന്ത്രാലയത്തിന്റെ പ്രത്യേക ഡോഗ് ഷോ, മെഗാ തിരുവാതിര, തുടങ്ങിയ പരിപാടികളുമുണ്ട്. പരിപാടിയിൽ പ്രവാസികൾക്ക് സൗജന്യ പ്രവേശനം അനുവദിക്കും.