February 20, 2022
February 20, 2022
ദോഹ : ദോഹ മെട്രോയുടെ നാല് സ്റ്റേഷനുകളിൽ 'പാർക്ക് ആൻഡ് റൈഡ്" സൗകര്യമൊരുക്കിയതായി അധികൃതർ അറിയിച്ചു. ലുസൈൽ, എഡ്യൂക്കേഷൻ സിറ്റി, അൽ വക്ര, അൽ കസർ എന്നീ സ്റ്റേഷനുകളിലാണ് പാർക്ക് ആൻഡ് റൈഡിനുള്ള അവസരമെന്ന് ഗതാഗത മന്ത്രാലയം അറിയിച്ചു. ഖത്തറിലെ പൊതുഗതാഗതം കൂടുതൽ കാര്യക്ഷമാക്കാനും, ലോകകപ്പ് അനുബന്ധിച്ച് ഉണ്ടാവുന്ന ഗതാഗതക്കുരുക്കിനെ മറികടക്കാനും പാർക്ക് ആൻഡ് റൈഡ് വഴി കഴിയുമെന്നാണ് അധികൃതരുടെ കണക്കുകൂട്ടൽ.
ഇതോടെ, മെട്രോയിൽ യാത്ര ചെയ്യുന്നവർക്ക് തങ്ങളുടെ വാഹനങ്ങൾ സ്റ്റേഷന് സമീപത്തായി സൗജന്യമായി പാർക്ക് ചെയ്യാൻ കഴിയും. പൊതുഗതാഗതം ഉപയോഗിക്കാൻ കൂടുതൽ ആളുകളെ പ്രേരിപ്പിക്കാനാണ് പാർക്ക് ആൻഡ് റൈഡിന് പ്രചാരം നൽകുന്നതെന്നും മന്ത്രാലയം വിശദമാക്കി. ലോകകപ്പ് സമയത്ത് സ്റ്റേഡിയങ്ങൾക്കിടയിൽ യാത്ര ചെയ്യാൻ മെട്രോ സർവീസുകൾ ഉപയോഗിക്കണമെന്നും ഗതാഗതമന്ത്രാലയം അഭ്യർത്ഥിച്ചു.