January 01, 2022
January 01, 2022
ഇസ്ലാമാബാദ് : പാകിസ്ഥാൻ വംശജനായ ഖത്തറി പൗരൻ ഇസ്ലാമാബാദിൽ കൊല്ലപ്പെട്ടു. G-11/3 ലെ ഫ്ലാറ്റിലാണ് യുവാവ് കൊല്ലപ്പെട്ടത്. മരണപ്പെട്ടത് ഹസ്സൻ ഇജാസ് ജാഞ്ജുവ ആണെന്ന് പോലീസ് സ്ഥിരീകരിച്ചു. സംഭവത്തിൽ രണ്ട് വനിതകൾ അടക്കം ആറുപേരെ അറസ്റ്റ് ചെയ്തിട്ടുണ്ട്.
മരണപ്പെട്ടയാളുടെ പിതാവ് ഇജാസ് ഹുസൈന്റെ പരാതിയിൽ കൊലക്കുറ്റം ചുമത്തിയാണ് ഇവരെ അറസ്റ്റ് ചെയ്തത്. ഖത്തറിൽ സ്ഥിരതാമസക്കാരൻ ആയിരുന്ന ജാഞ്ജുവ, ഔദ്യോഗിക കാര്യങ്ങൾക്കായാണ് പാകിസ്ഥാനിൽ എത്തിയതെന്ന് പിതാവ് അറിയിച്ചു. തലയിലും, ശരീരത്തിന്റെ പലഭാഗങ്ങളിലും പരിക്കേറ്റ നിലയിലാണ് മകനേ കണ്ടെത്തിയതെന്നും, തനിക്ക് ലഭിച്ച ഫോൺ കോൾ അനുസരിച്ചാണ് ഹോസ്പിറ്റലിൽ എത്തിയതെന്നും പിതാവ് അറിയിച്ചു. മകന്റെ കൈവശം ഉണ്ടായിരുന്ന 60000 ഖത്തർ റിയാൽ കാണാതായതായും പിതാവ് കൂട്ടിച്ചേർത്തു.