October 03, 2019
October 03, 2019
ദോഹ : ഖത്തറിൽ ചില പ്രത്യേക മേഖലകളിലെ വ്യവസായ സംരംഭങ്ങൾക്ക് 2019 ലെ വാടക ഒഴിവാക്കി. എസ്.എം.ഇ സോണ്‍, മനാതിഖിലെ ഉംസയീദ്‌ ഇന്‍ഡസ്ട്രിയല്‍ സോണ്‍ എന്നിവിടങ്ങളില്‍ പ്രവര്‍ത്തിക്കുന്ന വ്യവസായശാലകള്‍ക്കാണ് ഇളവുകള്‍ പ്രഖ്യാപിച്ചിരിക്കുന്നത്. പ്രധാനമന്ത്രിയും ആഭ്യന്തര മന്ത്രിയുമായ ശൈഖ് അബ്ദുല്ല ബിന്‍ നാസര്‍ ബിന്‍ ഖലീഫ ആല്‍ഥാനിയാണ് ഇക്കാര്യം അറിയിച്ചത്.ഇതനുസരിച്ച് ഈ മേഖലകളിലെ വ്യവസായശാലകള്‍ ഈ വർഷത്തെ വാടക നൽകേണ്ടിവരില്ല. രാജ്യത്തിന്റെ സമ്പദ്ഘടനയുടെ പുരോഗതിയില്‍ സ്വകാര്യ മേഖലയ്ക്കു പ്രോത്സാഹനം നല്‍കാൻ ലക്ഷ്യമിട്ടാണ് നടപടി.സ്വകാര്യ മേഖലയെ പ്രോത്സാഹിപ്പിക്കാനും അവരുടെ പങ്കാളിത്തം ഉറപ്പാക്കാനുമായുള്ള മന്ത്രിതല സംഘമാണ് ഇത്തരമൊരു ഇളവിനു വേണ്ടി പ്രധാനമന്ത്രിക്ക് നിര്‍ദേശം സമര്‍പ്പിച്ചത്.
നേരത്തെ, വ്യവസായിക-ലോജിസ്റ്റിക്‌സ് മേഖലകളില്‍ പ്രവര്‍ത്തിക്കുന്ന ഫാക്ടറികള്‍ക്കു ലോണ്‍ തിരിച്ചടവ് ആറുമാസത്തേക്കു നീട്ടിനല്‍കിയിരുന്നു. ഇതോടൊപ്പം മനാതിഖിലെ എകോണമിക് സോണില്‍ പ്രവര്‍ത്തിക്കുന്ന നിക്ഷേപകര്‍ക്ക് ചതുരശ്ര മീറ്ററിനനുസരിച്ച് 20 മുതല്‍ 40 വരെ ഖത്തര്‍ റിയാല്‍ ഇളവനുവദിക്കുകയും ചെയ്തിരുന്നു.
