July 01, 2020
July 01, 2020
ദോഹ : ഖത്തറിൽ നിന്നും ഔദ്യോഗിക പദവി ഒഴിയുന്ന ഇന്ത്യൻ സ്ഥാനപതി പി.കുമരൻ ഖത്തർ അമീർ ശൈഖ് തമീം ബിൻ ഹമദ് അൽതാനിയുമായി കൂടിക്കാഴ്ച നടത്തി.അമീരി ദിവാന് ഓഫിസില് ബുധനാഴ്ച രാവിലെയായിരുന്നു കൂടിക്കാഴ്ച. സ്ഥാനമൊഴിയുന്ന ഇന്തോനേസ്യന് അംബാസഡര് മുഹമ്മദ് ബസ്രി സിദെഹാബിയുമായും അമീർ കൂടിക്കാഴ്ച നടത്തി.
ഖത്തറും തങ്ങളുടെ രാജ്യവുമായുള്ള ബന്ധം മെച്ചപ്പെടുത്തുന്നതിന് വഹിച്ച പങ്കു പരിഗണിച്ച് ഇരുവര്ക്കും അമീര് അല് വജ്ബ ഡെകറേഷന് സമ്മാനിച്ചു. രണ്ട് സ്ഥാനപതിമാർക്കും അമീർ ആശംസകൾ നേർന്നു.
ദോഹയിൽ നിന്ന് വിരമിക്കുന്ന പി.കുമരൻ സിംഗപ്പൂരിൽ ഇന്ത്യൻ ഹൈക്കമ്മീഷണറായി ചുമതലയേൽക്കും.2016 ഒക്ടോബർ അഞ്ചിനാണ് പി.കുമരൻ ഖത്തറിലെ ഇന്ത്യൻ അംബാസിഡറായി ചുമതലയേറ്റത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക