May 27, 2020
May 27, 2020
ദോഹ : ഖത്തറിലെ ഇന്ത്യൻ സ്ഥാനപതി പി.കുമരനെ സിംഗപ്പൂരിൽ ഇന്ത്യൻ ഹൈകമ്മീഷണറായി നിയമിച്ചു.ഇന്ത്യൻ വിദേശകാര്യ മന്ത്രാലയം ട്വിറ്ററിലാണ് ഇക്കാര്യം അറിയിച്ചത്.
1992ൽ ഇന്ത്യൻ വിദേശകാര്യ മന്ത്രാലയത്തിൽ ചേർന്ന പി.കുമരൻ 2016 ഒക്ടോബർ അഞ്ചിനാണ് ഖത്തറിലെ ഇന്ത്യൻ സ്ഥാനപതിയായി ചുമതലയേറ്റത്.1994 മുതൽ 1997 വരെ കൈറോവിലെ ഇന്ത്യൻ എംബസിയിൽ ഫസ്റ്റ് സെക്രട്ടറിയായും സെക്കൻഡ് സെക്രട്ടറിയായും പ്രവർത്തിച്ചിരുന്നു.1997 മുതൽ 2000 വരെ ലിബിയയിലെ ട്രിപ്പോളിയിൽ സേവനമനുഷ്ഠിച്ചു.വാഷിംഗ്ടൺ,ബ്രസൽസ്,ശ്രീലങ്ക എന്നിവിടങ്ങളിലും പ്രവർത്തിച്ചിട്ടുണ്ട്.ഡൽഹിയിൽ ഇന്ത്യൻ വിദേശകാര്യ മന്ത്രാലയത്തിൽ ജോയിൻ സെക്രട്ടറിയായിരിക്കെയാണ് ദോഹയിൽ നിയമിതനായത്.തമിഴ്നാട് സ്വദേശിയാണ്.
റിതു കുമരനാണ് ഭാര്യ. രണ്ടു മക്കളുണ്ട്.
നിലവിൽ ഇന്ത്യൻ വിദേശകാര്യ മന്ത്രാലയത്തിൽ ജോയിന്റ് സെക്രട്ടറിയായി പ്രവർത്തിക്കുന്ന ഡോ.ദീപക് മിത്തൽ ഖത്തറിലേക്കുള്ള അടുത്ത ഇന്ത്യൻ സ്ഥാനപതിയായി നിയമിതനായിട്ടുണ്ട്. അദ്ദേഹം ഉടൻ ചുമതലയേൽക്കുമെന്നാണ് വിവരം.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക