February 25, 2021
February 25, 2021
ദോഹ: ഒറീഡൂവിന്റെ നാലാമത് മിനി ഷോപ്പ് ഓണ്‍ വീല്‍സ് പ്രവര്‍ത്തനം ആരംഭിച്ചു. ടെലികമ്യൂണിക്കേഷന്‍ സേവനങ്ങള്‍ കൂടുതല്‍ ഉപഭോക്താക്കളിലേക്ക് എത്തിക്കുക എന്ന ലക്ഷ്യവുമായാണ് മിനി ഷോപ്പ് ഓണ്‍ വീല്‍സ് രൂപകല്‍പ്പന ചെയ്തിരിക്കുന്നത്.
മിനി ഷോപ്പ് ഓണ്‍ വീല്‍സിന്റെ സേവനം ഉപയോഗിച്ച് ഉപഭോക്താക്കള്‍ക്ക് വീട്ടില്‍ നിന്ന് തന്നെ ഷോപ്പുകളില്‍ ലഭിക്കുന്ന എല്ലാ ആവശ്യങ്ങളും നിറവേറ്റാന്‍ കഴിയും. നിലവില്‍ മൂന്ന് ഷോപ്പ് ഓണ്‍ വീല്‍സ് വാഹനങ്ങളാണ് ഒറീഡൂവിന് ഖത്തറില്‍ ഉള്ളത്.
നിരവധി ഉപഭോക്താക്കളാണ് മിനി ഷോപ്പ് ഓണ്‍ വീല്‍സിന്റെ സേവനം ഉപയോഗപ്പെടുത്തുന്നുണ്ട്. വരും മാസങ്ങളില്‍ കൂടുതല്‍ ഷോപ്പ് ഓണ്‍ വീല്‍സ് വാഹനങ്ങള്‍ പുറത്തിറക്കാനും ഒറീഡൂ പദ്ധതിയിടുന്നുണ്ട്.
ഖത്തറില്‍ നടക്കുന്ന ഔട്ട്‌ഡോര്‍ പരിപാടികളില്‍ മിനി ഷോപ്പ് ഓണ്‍ വീലുകള്‍ ഉപഭോക്താക്കള്‍ക്ക് സേവനം നല്‍കും.
'ഞങ്ങളുടെ മിനി ഷോപ്പ് ഓണ്‍ വീലുകള്‍ പരമാവധി ഉപഭോക്താക്കള്‍ക്ക് സേവനം നല്‍കാന്‍ ഞങ്ങളെ സഹായിക്കുന്നു. ആവശ്യമുള്ളപ്പോഴെല്ലാം ഞങ്ങളുടെ സേവനങ്ങള്‍ ലഭ്യമാക്കാന്‍ ഇത് അവരെ പ്രാപ്തരാക്കുന്നു. എല്ലാവരുടെയും സമീപത്ത്, പ്രത്യേകിച്ച് വിദൂര പ്രദേശങ്ങളില്‍ ഒറീഡൂ ഷോപ്പ് ഇല്ല എന്ന് ഞങ്ങള്‍ മനസിലാക്കുന്നു. ഉപഭോക്താക്കളുടെ ആവശ്യങ്ങള്‍ നിറവേറ്റുന്നതിനായി സാധ്യമായ എല്ലാ മാര്‍ഗങ്ങളിലൂടെയും സേവനങ്ങള്‍ നല്‍കാന്‍ ഞങ്ങള്‍ ആഗ്രഹിക്കുന്നു. ഉപഭോക്താക്കളോട് ഞങ്ങള്‍ പ്രതിജ്ഞാബദ്ധരാണ്.' -ഒറീഡൂ ഡയറക്ടര്‍ പി.ആര്‍ സാബാഹ് റബിയ അല്‍ കുവാരി പറഞ്ഞു.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
