December 30, 2021
December 30, 2021
ദോഹ : രാജ്യത്ത് കോവിഡ് കേസുകൾ വർധിക്കുന്ന സാഹചര്യത്തിൽ സിദ്ര കോവിഡ് മെഡിക്കൽ സെന്ററിലെ രജിസ്‌ട്രേഷൻ ഓൺലൈൻ ആക്കിയതായി അധികൃതർ അറിയിച്ചു. പീസീആർ,സെറോളജി ടെസ്റ്റുകൾക്കായി സെന്ററിൽ എത്തുന്നവർ ഇനി ഓൺലൈനായി മുൻകൂട്ടി ബുക്ക് ചെയ്യണം.
മൂന്ന് വ്യത്യസ്ത നിരക്കുകളിൽ പീസീആർ ടെസ്റ്റ്‌ നടത്താനുള്ള സൗകര്യമാണ് സെന്ററിൽ ഉള്ളതെന്നും അധികൃതർ വ്യക്തമാക്കി. 160 റിയാലിന്റെ ടെസ്റ്റിന് 18 മണിക്കൂറിനുള്ളിലാണ് ഫലം ലഭിക്കുക. 300 റിയാലിന്റെ ടെസ്റ്റിന് (വൈകീട്ട് ആറ് മണിക്ക് മുൻപ് സ്വാബ് ശേഖരിച്ചാൽ ) എട്ട് മണിക്കൂറും, 660 റിയാലിന്റെ ടെസ്റ്റിന് ( വൈകീട്ട് 10 മണിക്ക് മുൻപ് സ്വാബ് ശേഖരിച്ചാൽ) മൂന്ന് മണിക്കൂറുമാണ് ഫലം ലഭിക്കാൻ കാത്തിരിക്കേണ്ടത്. രാവിലെ 7:30 മുതൽ രാത്രി 10 മണിവരെ പ്രവർത്തിക്കുന്ന സെന്റെറിൽ, ഓൺലൈൻ ആയി ടെസ്റ്റിന് ബുക്ക് ചെയ്തതിന്റെ രേഖ കാണിച്ചാൽ മാത്രമേ പ്രവേശനം അനുവദിക്കൂ.
കൂടുതൽ വിവരങ്ങൾക്ക് http://www.sidra.org സന്ദർശിക്കുക
