May 20, 2022
May 20, 2022
ദോഹ : കോഴിക്കോട് ജില്ലാ പ്രവാസി അസോസിയേഷന്‍ സംഘടിപ്പിക്കുന്ന നാലാമത് ഒളിമ്പ്യൻ റഹ്‌മാന്‍ മെമ്മോറിയല്‍ അഖിലേന്ത്യാ ഫുട്ബോള്‍ ടൂര്‍ണമെന്റിന് ഇന്ന് (വെള്ളിയാഴ്ച) തുടക്കമാവും.ഹാമില്‍ട്ടണ്‍ ഇന്‍റര്‍നാഷണല്‍ സ്ക്കൂള്‍ ഗ്രൗണ്ടില്‍ വൈകുന്നേരം അഞ്ചു മണിക്ക് കിക്കോഫ് ചെയുന്ന ടൂര്‍ണമെന്റില്‍ ദോഹയിലെ പ്രമുഖ പതിനാറു ടീമുകള്‍ പങ്കെടുക്കും. ദോഹയിലെ പഴയകാല കളിക്കാര്‍ അണിനിരക്കുന്ന എട്ടു ടീമുകള്‍ മാറ്റുരക്കുന്ന വെറ്ററന്‍സ് മത്സങ്ങളും സംഘടകര്‍ ഒരുക്കിയിട്ടുണ്ട് .
വ്യാഴാഴ്ച 98.6 എഫ് എം ഓഫീസില്‍ നടന്ന ചടങ്ങില്‍ ടൂര്‍ണമെന്റിന്‍റെ ഒഫീഷ്യല്‍ പോസ്റ്റര്‍ പ്രകാശനം ചെയ്തു . ചടങ്ങില്‍ കെ.പി.എ ക്യു ആക്ടിങ് പ്രസിഡണ്ട് ഷാജി പീവീസ് , സെക്രട്ടറി ഗഫൂര്‍ കാലിക്കറ്റ് ട്രഷറര്‍ അബ്ദുല്‍ റഹീം, സ്പോര്‍ട്സ് കണ്‍വീനര്‍ ഷൗക്കത്ത് എലത്തൂര്‍ ഏഷ്യന്‍ മെഡിക്കല്‍ മാര്‍ക്കറ്റിങ് മാനേജര്‍ റിനു ജോസഫ് , നൗഫല്‍ അബ്ദുള്‍റഹിമാന്‍ , ആര്‍.ജെ ജിബിന്‍ എന്നിവര്‍ പങ്കെടുത്തു .
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
