February 14, 2022
February 14, 2022
ന്യൂ ഡൽഹി : വിദേശരാജ്യങ്ങളിൽ നിന്നും ഇന്ത്യയിലേക്ക് യാത്ര ചെയ്യുന്നവർക്ക് ഇന്ന് മുതൽ പീസീആർ പരിശോധന നിർബന്ധമല്ലെന്ന് കേന്ദ്രം വ്യക്തമാക്കി. വാക്സിനേഷൻ പ്രക്രിയ പൂർത്തിയാക്കിയ ആളുകൾക്കാണ് ഈ ഇളവ്. ഖത്തർ അടക്കമുള്ള 82 രാജ്യങ്ങളിൽ നിന്നുള്ളവർക്കാണ് പുതിയ കോവിഡ് മാനദണ്ഡം പ്രകാരം ഇളവുകൾ ലഭിക്കുക. ഫെബ്രുവരി 10 നാണ് കേന്ദ്രസർക്കാർ, കോവിഡ് മാനദണ്ഡത്തിൽ മാറ്റങ്ങൾ പ്രഖ്യാപിച്ചത്.
ഏതൊക്കെ ദിവസങ്ങളിലാണ് വാക്സിൻ എടുത്തത് എന്നതടക്കമുള്ള വാക്സിനേഷൻ വിവരങ്ങൾ അധികൃതരെ അറിയിക്കണം. ഏഴ് ദിവസത്തെ നിർബന്ധിത കൊറന്റൈൻ ആവശ്യമില്ലെന്നും, രോഗലക്ഷണങ്ങൾ ഉണ്ടോ എന്ന് 14 ദിവസം സ്വയം നിരീക്ഷിച്ചാൽ മതിയെന്നും നിർദ്ദേശമുണ്ട്. ആകെ യാത്രക്കാരിൽ നിന്നും 2 ശതമാനം ആളുകൾക്ക് ടെസ്റ്റ് നടത്തുമെന്നും, ഇവർ ആരൊക്കെ എന്ന് അതത് വിമാനക്കമ്പനികൾ തീരുമാനിക്കണമെന്നും പുതിയ കോവിഡ് മാനദണ്ഡം പറയുന്നു. സാമ്പിൾ പരിശോധനയ്ക്കായി നൽകിയ ശേഷം ഇവർക്ക് മടങ്ങാം.