November 07, 2021
November 07, 2021
ദോഹ : ഖത്തറിൽ വാറ്റ് നികുതി (value added tax) ഏർപ്പെടുത്തുന്ന കാര്യം പരിഗണയിലുണ്ടെന്ന് ജനറൽ ടാക്സ് അതോറിറ്റി വക്താവായ അഹ്മദ് ബിൻ ഇസ്സ അൽ മൊഹന്നദി അറിയിച്ചു. അറബിക് പത്രമായ അൽ ഷർഖ് പ്രസിദ്ധീകരിച്ച അഭിമുഖത്തിലാണ് ഈ പരാമർശമുള്ളത്. അതേസമയം, രാജ്യത്ത് സമീപഭാവിയിലൊന്നും വരുമാനനികുതി ചുമത്താൻ ഉദ്ദേശിക്കുന്നില്ലെന്നും മൊഹന്നദി കൂട്ടിച്ചേർത്തു.
ഒരു രാജ്യത്തിന്റെ വരുമാനസ്രോതസ്സുകളിൽ ഏറ്റവും പ്രധാനപ്പെട്ടതാണ് നികുതികളെന്നും നികുതികളെ കൃത്യമായി ക്രോഡീകരിക്കാനുള്ള നീക്കങ്ങൾ അധികൃതർ നടത്തുന്നുണ്ടെന്നും മൊഹന്നദി കൂട്ടിച്ചേർത്തു. വ്യവസായങ്ങളുടെ പ്രവർത്തനത്തെ നികുതി അടവ് പ്രതികൂലമായി ബാധിക്കുന്ന സാഹചര്യത്തിൽ ഇളവ് നൽകാറുണ്ടെന്നും അദ്ദേഹം വ്യക്തമാക്കി. രാജ്യത്ത് നികുതി വ്യവസ്ഥ ആരംഭിച്ചത് 2018 ൽ മാത്രമായതിനാൽ ഈ വിഷയത്തിൽ പലർക്കും ധാരണക്കുറവുണ്ടെന്ന വസ്തുതയും മൊഹന്നദി ചൂണ്ടിക്കാട്ടി.