October 14, 2021
October 14, 2021
ദോഹ : ഖത്തറിലെ മെട്രോ സ്റ്റേഷനുകളിലേക്ക് ആളുകൾക്ക് എളുപ്പം എത്താനായി ആവിഷ്കരിച്ച പ്രത്യേകപദ്ധതിയാണ് മെട്രോ ലിങ്ക്. വൻ സ്വീകാര്യത ലഭിച്ച ഈ പദ്ധതിയെ മൂന്ന് സ്റ്റേഷനുകളിലേക്ക് കൂടി വ്യാപിപ്പിക്കാൻ തീരുമാനിച്ചിരിക്കുകയാണ് മെട്രോ അധികൃതർ. ഇതോടൊപ്പം, കോവിഡ് പ്രതിസന്ധി കാരണം മുടങ്ങിയ പഴയ റൂട്ടുകളിലെ പ്രവർത്തനം പുനഃസ്ഥാപിക്കുമെന്നും അധികൃതർ അറിയിച്ചു.
ജൊആൻ, വെസ്റ്റ് ബേ ക്യുപി എന്നീ സ്റ്റേഷനുകളിലേക്കാണ് പുതിയ റൂട്ടുകൾ ആരംഭിക്കുന്നത്. ഒനൈസ 65 ഏരിയയിൽ നിന്ന് M106, ലെജ്ബൈലാത്ത് ഏരിയയിൽ നിന്ന് M107 എന്നിവയാണ് വെസ്റ്റ് ബേ ക്യുപി സ്റ്റേഷനിലേക്കുള്ള പുതിയ സർവീസുകൾ. അൽ നസർ, അൽ മിർഖാബ് പ്രദേശത്ത് നിന്നും ജൊആൻ സ്റ്റേഷനിലേക്കുള്ള സർവീസിന് M314 എന്നാണ് പേര് നൽകിയിരിക്കുന്നത്.