April 17, 2021
April 17, 2021
ദോഹ: അടിയന്തിര കേസുകളില് കോവിഡ്-19 ബാധിച്ചവര്ക്കായി ഉപയോഗിക്കുന്നതിനായി പുതിയ മരുന്ന് സ്വീകരിച്ചതായി ഹമദ് മെഡിക്കല് കോര്പ്പറേഷന്റെ (എച്ച്എംസി) കമ്മ്യൂണിക്കബിള് ഡിസീസ് സെന്റര് മെഡിക്കല് ഡയറക്ടര് ഡോ. മുന അല് മസ്ലാമണി പറഞ്ഞു. കോവിഡ് -19 രോഗികള്ക്കായി പുതിയ മരുന്ന് സ്വീകരിച്ചതായും ഈ മരുന്നിന്റെ ഒരു ഡോസ് മാത്രമാണ് രോഗബാധിതര്ക്ക് നല്കുന്നതെന്നും ഡോക്ടര് മുന അല് മസ്ലാമണി എച്ച്എംസി ട്വിറ്റര് അക്കൗണ്ടില് പങ്കുവെച്ച വീഡിയോയില് പറഞ്ഞു.
പുതിയ മരുന്ന് പ്രത്യേക നിലവാരത്തിലുള്ളതാണെന്ന് അവര് പറഞ്ഞു. ആരോഗ്യനില വഷളാകുമെന്ന് കരുതുന്ന രോഗികള്ക്ക് മാത്രമാണ് ഈ മരുന്ന് നല്കുന്നുത്. ആരോഗ്യനില വഷളാകുന്നതിനു മുമ്പ് ശരീരത്തില് വൈറസിന്റെ പുനരുല്പാദനം തടയുന്നതിനാണ് ഈ ചികിത്സ നല്കുന്നതെന്നും അവര് വ്യക്തമാക്കി. അടിയന്തിര സാഹചര്യങ്ങളില് ഈ ചികിത്സ അനുവദനീയമാണെന്നും അത്തരം ചികിത്സ ആവശ്യമുള്ള രോഗികളെ കൃത്യമായി തിരിച്ചറിയുന്നതായും അവർ കൂട്ടിച്ചേര്ത്തു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക