November 22, 2021
November 22, 2021
ദോഹ : ആറ് സ്ഥാപനങ്ങൾക്ക് കൂടി ഉന്നതവിദ്യാഭ്യാസ കോഴ്സുകൾ ആരംഭിക്കാൻ അനുമതി നൽകിയതായി വിദ്യാഭ്യാസമന്ത്രാലയം അറിയിച്ചു. ഇതോടെ, രാജ്യത്തെ ഉന്നതവിദ്യാഭ്യാസ സ്ഥാപനങ്ങളുടെ എണ്ണം 32 ആയി വർധിച്ചു. ഉന്നതവിദ്യാഭ്യാസവകുപ്പിന്റെ ആക്ടിങ് അണ്ടർസെക്രട്ടറിയായ ഡോക്ടർ ഖാലിദ് അൽ അലിയാണ് ഇത് സംബന്ധിച്ച വിജ്ഞാപനം പുറപ്പെടുവിച്ചത്.
ലുസൈൽ യൂണിവേഴ്സിറ്റി, ലിവർപൂളിലെ ജോൺ മൂർ യൂണിവേഴ്സിറ്റിക്ക് കീഴിലുള്ള ഒറിക്സ് യൂണിവേഴ്സൽ കോളേജ്, ബ്രിട്ടനിലെ അൾസ്റ്റർ യൂണിവേഴ്സിറ്റിക്ക് കീഴിലെ സിറ്റി യൂണിവേഴ്സിറ്റി കോളേജ്, ഡെർബി യൂണിവേഴ്സിറ്റിക്ക് കീഴിലുള്ള അൽ റയ്യാൻ ഇന്റർനാഷണൽ യൂണിവേഴ്സിറ്റി കോളേജ്, മറിടൈം അക്കാദമി എന്നിവയാണ് പുതുതായി അംഗീകാരം കിട്ടിയ സ്ഥാപനങ്ങൾ. ആർട്ടിഫിഷ്യൽ ഇന്റലിജൻസ് അടക്കം 17 പുതിയ കോഴ്സുകൾക്ക് ഈ വർഷം അംഗീകാരം നൽകിയതായും, രാജ്യത്ത് നിലവിൽ 362 വ്യത്യസ്ത കോഴ്സുകൾ ലഭ്യമാണെന്നും അൽ അലി കൂട്ടിച്ചേർത്തു.