February 20, 2022
February 20, 2022
ദോഹ : ഇന്ത്യയുടെ അയൽരാജ്യമായ നേപ്പാളിൽ നിന്നുള്ള കുടിവെള്ള കമ്പനിക്ക് ഖത്തറിൽ വില്പന നടത്താൻ അനുമതി ലഭിച്ചു. 'രുദ്ര ഗംഗ' എന്ന കമ്പനിയുടെ 'റസുവ' കുടിവെള്ളമാണ് ഖത്തറിൽ ലഭ്യമാവുക. ഇറക്കുമതിക്കുള്ള അനുമതി രണ്ട് വർഷം മുൻപ് തന്നെ അധികൃതർ നൽകിയിരുന്നെങ്കിലും, കോവിഡ് പ്രതിസന്ധി കാരണമാണ് 'റസുവ' ഖത്തറിലെത്താൻ വൈകിയത്.
നേപ്പാൾ തലസ്ഥാനമായ കാഠ്മണ്ഡുവിൽ നിന്നും എട്ട് ടൺ കുടിവെള്ളം ദോഹയിൽ എത്തിക്കഴിഞ്ഞു. 330 മില്ലിയുടെ ബോട്ടിലിന് 3.50 റിയാലും, 500 മില്ലിക്ക് 4 റിയാലുമാണ് വില നിശ്ചയിച്ചിരിക്കുന്നത്. അടുത്ത ഘട്ടത്തിൽ 16 ടൺ വെള്ളം കൂടി ഇറക്കുമതി ചെയ്യുമെന്ന് കമ്പനി അറിയിച്ചു. ദുബായുമായും കരാറിൽ ഒപ്പിട്ട കമ്പനി, മാർച്ച് മാസത്തിൽ അൻപത് ടൺ കുടിവെള്ളം ദുബായിൽ ഇറക്കുമതി ചെയ്യും.