September 24, 2019
September 24, 2019
ദോഹ : അമീര് ഷെയ്ഖ് തമീം ബിന് ഹമദ് അല്താനി ഇന്ത്യന് പ്രധാനമന്ത്രി നരേന്ദ്ര മോഡിയുമായി ന്യൂ യോര്ക്കില് കൂടിക്കാഴ്ച നടത്തി. ന്യൂ യോര്ക്കില് നടക്കുന്ന ഐക്യരാഷ്ട്രസഭയുടെ 74മത് സമ്മേളനത്തില് പങ്കെടുക്കാന് എത്തിയതായിരുന്നു ഇരു നേതാക്കളും.ഖത്തറിന്റെ ഐക്യരാഷ്ട്രസഭയിലെ മിഷന് ഓഫീസില് വെച്ച് ഇന്നലെയായിരുന്നു കൂടിക്കാഴ്ച. ഇന്ത്യന് പ്രധാനമന്ത്രിയെ അനുഗമിക്കുന്ന ഔദ്യോഗിക സംഘവും കൂടിക്കാഴ്ചയില് പങ്കെടുത്തു.
ഖത്തറിലെ ഇന്ത്യന് സമൂഹത്തിന് നല്കുന്ന പരിഗണനക്ക് ഇന്ത്യന് പ്രധാനമന്ത്രി അമീറിന് നന്ദി രേഖപ്പെടുത്തി. മേഖലയില് നിലനില്ക്കുന്ന പ്രശ്നങ്ങളും ഇന്ത്യ-ഖത്തര് ബന്ധങ്ങള് കൂടുതല് മേഖലകളിലേക്ക് വ്യാപിപ്പിക്കുന്നതിനെക്കുറിച്ചും ഇരുനേതാക്കളും ചര്ച്ച നടത്തി.