May 01, 2022
May 01, 2022
ദോഹ : ദീർഘകാലം ഖത്തറിൽ പ്രവാസിയായിരുന്ന നാദാപുരം
ചെറുമോത്ത് സ്വദേശി പി പി മുഹമ്മദ് ഹാജി(65) നാട്ടിൽ നിര്യാതനായി.നാല് പതിറ്റാണ്ടോളം ഖത്തറിൽ ജോലി ചെയ്തിരുന്ന അദ്ദേഹം ഖത്തർ പോസ്റ്റ് ഓഫീസ്,ഖത്തർ എയർപോർട്ട് എന്നിവിടങ്ങളിൽ ജോലി ചെയ്ത ശേഷം ക്യൂ എൻ ടി കാർഗോ ഉദ്യോഗസ്ഥനായാണ് വിരമിച്ചത്. ഏതാനും മാസങ്ങളായി അസുഖബാധിതനായി നാട്ടിൽ ചികിത്സയിൽ ആയിരുന്നു. .ഒന്നര വർഷം മുമ്പാണ് പ്രവാസം മതിയാക്കി നാട്ടിലേക്ക് മടങ്ങിയത്.
പൗര പ്രമുഖനായ പരേതരായ പുത്തൻ പീടികയിൽ സൂപ്പി ഹാജിയുടെയും കരുവാണ്ടി അയിശു ഹജ്‌ജുമ്മയുടെയും മകനാണ്.
പരേതനായ തീക്കുന്നുമ്മൽ കുഞ്ഞമ്മദ് കുട്ടി ഹാജിയുടെ മകൾ റാബിയയാണ് ഭാര്യ. മക്കൾ : ഇസ്മായിൽ ( എൻജിനീയർ,അലി ബിൻ അലി,ഖത്തർ),സവാദ് (മാനേജിംങ് പാർട്ടണർ,മോംസ് ടീ ഖത്തർ),ഡോ: സാഹിൽ ( മിംസ് ഹോസ്പിറ്റൽ,കണ്ണൂർ).
ഖബറടക്കം ഇന്ന് വൈകുന്നേരം 5 മണിക്ക് ചെറുമോത്ത് വലിയ ജുമുഅത്ത് പള്ളി ഖബർസ്ഥാനിൽ.
ദോഹ മർക്കിയ MRA റെസ്റ്റോറൻ്റിനു പിറകുവശത്തുള്ള പള്ളിയിൽ ഇന്ന് ഇശാ നമസ്കാരത്തിന് ശേഷം (7: 30ന്)മയ്യിത്ത് നമസ്കാരം നടക്കുമെന്ന് ബന്ധുക്കൾ അറിയിച്ചു.
