April 15, 2021
April 15, 2021
ദോഹ : ഖത്തറിൽ കോവിഡ് വ്യാപനം അതിരൂക്ഷമായി തുടരുന്ന സാഹചര്യത്തിൽ റമദാനിലെ ജുമുഅ നമസ്കാരത്തിനുള്ള നിയന്ത്രണങ്ങൾ കടുപ്പിച്ചു.ആദ്യ ബാങ്കിന് ശേഷമുള്ള രണ്ടാമത്തെ ബാങ്കിന് പത്തു മിനുട്ട് മുമ്പ് മാത്രമായിരിക്കും പള്ളികൾ വിശ്വാസികൾക്കായി തുറക്കുകയെന്ന് ഖത്തർ മതകാര്യ മന്ത്രാലയം (ഔഖാഫ്) അറിയിച്ചു. പള്ളിയിൽ നമസ്‌കാരത്തിനായി എത്തുന്ന വിശ്വാസികൾ ഒരുമിച്ചിരിക്കുന്ന സമയ ദൈർഘ്യം കുറക്കാൻ ലക്ഷ്യമാക്കിയാണ് നടപടി.ഇനി ഒരു അറിയിപ്പ് ഉണ്ടാകുന്നതുവരെ ഈ നിബന്ധന തുടരും.
ബാങ്ക്‌വിളിച്ചു കഴിഞ്ഞു അഞ്ചു മിനുട്ടിനകം മറ്റു സമയങ്ങളിലെ നമസ്കാരം തുടങ്ങുമെന്ന് ഔഖാഫ് കഴിഞ്ഞ ദിവസം അറിയിച്ചിരുന്നു.
ഇതിനിടെ ഖത്തറിൽ ഇതാദ്യമായി ഒരു ദിവസത്തെ ഏറ്റവും ഉയർന്ന പ്രതിദിന മരണ നിരക്കാണ് കഴിഞ്ഞ 24 മണിക്കൂറിനിടെ റിപ്പോർട്ട് ചെയ്തത്.കോവിഡ് ബാധിച്ചു ചികിത്സയിലായിരുന്ന 9 പേരാണ് കഴിഞ്ഞ 24 മണിക്കൂറിനിടെ രാജ്യത്ത് മരണപ്പെട്ടത്.41, 42, 56, 58, 53, 68, 69, 79 ,85 വയസ്സുള്ളവരാണ് മരിച്ചത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
