March 13, 2022
March 13, 2022
ദോഹ : വിവിധ തൊഴിൽ മേഖലകളിൽ ഖത്തറി പൗരന്മാർക്ക് കൂടുതൽ അവസരങ്ങൾ സൃഷ്ടിക്കാനുള്ള നീക്കവുമായി തൊഴിൽ മന്ത്രാലയം. ഖത്തർ സ്വദേശികളായ പുരുഷന്മാർക്കും വനിതകൾക്കും ഖത്തറി വനിതകളുടെ മക്കൾക്കുമാണ് തൊഴിലവസരങ്ങൾ ഒരുക്കുന്നത്. ദേശീയ എംപ്ലോയ്മെന്റ് പ്ലാറ്റ്ഫോമായ കവാദറിലൂടെയാണ് ഒഴിവുകളുടെ പട്ടിക പ്രഖ്യാപിച്ചത്.
സാമ്പത്തിക - ഇൻഷുറൻസ് മേഖലയിൽ 56 ഒഴിവുകളാണ് പട്ടികയിൽ ഉള്ളത്. ഗതാഗതവുമായി ബന്ധപ്പെട്ട ജോലികളിൽ 88 ഒഴിവും, വ്യവസായമേഖലയിൽ 28 ഒഴിവുകളുമാണുള്ളത്. റിയൽ എസ്റ്റേറ്റ്, ടെക്നോളജി മേഖലകളിലും സ്വദേശികൾക്കായി നിരവധി തൊഴിൽ അവസരങ്ങൾ ഒരുക്കിയിട്ടുണ്ട്. അവസരം പ്രയോജനപ്പെടുത്തണമെന്നും യോഗ്യരായ ആളുകൾ അപേക്ഷ നൽകാൻ മുന്നോട്ട് വരണമെന്നും തൊഴിൽ മന്ത്രാലയം ആഹ്വാനം ചെയ്തു.