December 30, 2021
December 30, 2021
ദോഹ : രാജ്യത്തെ റോഡുകളിൽ കൂടുതൽ നിരീക്ഷണ ക്യാമറകൾ സ്ഥാപിക്കുമെന്ന് ട്രാഫിക് ജനറൽ ഡയറക്ടറേറ്റ്. അപകടനിരക്ക് കുറയ്ക്കാനായാണ് പുതിയ നീക്കം. അപകടങ്ങൾ സംഭവിക്കുന്നതിന്റെ പ്രധാനകാരണങ്ങളിൽ ഒന്ന് അമിതവേഗമാണെന്നും, ഈ പ്രവണതയ്ക്ക് തടയിടാനായി കൂടുതൽ ക്യാമറകൾ സ്ഥാപിക്കുമെന്നും ട്രാഫിക്ക് സുരക്ഷാ വിഭാഗം ഉദ്യോഗസ്ഥനായ റാഷിദ് ഖാമിസ് അൽ കുബൈസി മാധ്യമങ്ങളെ അറിയിച്ചു.
ഇത് കൂടാതെ, പോലീസ്, സിവിൽ പട്രോളിംഗ് കൂടുതൽ ശക്തമാക്കുമെന്നും ട്രാഫിക് വിഭാഗം അറിയിച്ചു. പട്രോളിംഗ് ടീമിന്റെ കൈവശമുള്ള റഡാർ ഉപയോഗിച്ചും അമിതവേഗതയിൽ ചീറിപ്പായുന്ന വാഹനങ്ങളെ കണ്ടെത്താൻ കഴിയും. അമിതവേഗതയിൽ ഓടിക്കുന്ന വാഹനം ബുക്ക് ചെയ്യുകയും, ഡ്രൈവർക്ക് പിഴ ഈടാക്കുകയും ചെയ്യുമെന്നും അധികൃതർ വ്യക്തമാക്കി.