February 15, 2022
February 15, 2022
ദോഹ : സ്കോളർഷിപ്പ് അനുവദിക്കുന്നതുമായി ബന്ധപ്പെട്ട കാര്യങ്ങളിലോ, തുടർനടപടികളിലോ വിദേശകാര്യമന്ത്രാലയത്തിന് ബന്ധമില്ലെന്നും, അത്തരത്തിൽ പുറത്തുവരുന്ന വാർത്തകൾ വ്യാജമാണെന്നും അധികൃതർ അറിയിച്ചു. വിദേശത്തുള്ള ഖത്തറിന്റെ ഔദ്യോഗിക ഓഫീസുകൾക്കും സ്കോളർഷിപ്പ് വിതരണവുമായി ബന്ധമില്ല.
ഖത്തർ എംബസിയുടെ പേരിലുള്ള വ്യാജ ഇമെയിൽ മേൽവിലാസം ഉപയോഗിച്ച് തട്ടിപ്പുകൾ നടക്കുന്നതായി ശ്രദ്ധയിൽ പെട്ടിട്ടുണ്ടെന്നും വിദേശകാര്യമന്ത്രാലയം ട്വിറ്ററിലൂടെ അറിയിച്ചു. വിദേശത്ത് പഠിക്കാനുള്ള അവസരം ഒരുക്കാമെന്ന് പറഞ്ഞാണ് തട്ടിപ്പ് അരങ്ങേറുന്നത്. http://embassies.mofa.gov.qa എന്ന ഇമെയിൽ വിലാസവുമായി വിദേശകാര്യമന്ത്രാലയത്തിന് ബന്ധമില്ലെന്നും അധികൃതർ വിശദമാക്കി.
