June 30, 2021
June 30, 2021
ദോഹ: ഫിഫ ലോകപ്പ് മുന്നൊരുക്കങ്ങളുടെ ഭാഗമായി ഖത്തറില്‍ ഇലക്ടിക് ബസുകള്‍ പുറത്തിറങ്ങി. പൊതുഗതാഗതം പരിസ്ഥിതി സൗഹൃദമാക്കുന്നതിനു വേണ്ടിയാണ് ഇക്ട്രിക് ബസുകള്‍ ആരംഭിച്ചത്. ഗതാഗത മന്ത്രി ജാസിംബിന്‍ സെയ്ഫ് അല്‍ സുലയ്ത്തി മവാസലാത്തിന്റെ ഇലക്ട്രിക് ബസുകളുടെ ഉദ്ഘാടനം നിര്‍വഹിച്ചു. പ്രത്യേകം തയാറാക്കിയ ബസുകളില്‍ ഏറ്റവും പുതിയ സുരക്ഷിതമായ ബാറ്ററി സാങ്കേതിക വിദ്യയാണ് ഉപയോഗിച്ചിരിക്കുന്നത്. ബാറ്ററി പൂര്‍ണമായി ചാര്‍ജ് ചെയ്താല്‍ 200 കിലോമീറ്ററില്‍ കൂടുതല്‍ ഓടാനാകും. ബസുകള്‍ ചാര്‍ജ്ജ് ചെയ്യാനായി മുവാസ്വലാത്ത് ഇലക്ട്രിക് ബസ് ചാര്‍ജിംഗ് സ്റ്റേഷന്‍ സ്ഥാപിച്ചിട്ടുണ്ട്.
