October 26, 2021
October 26, 2021
2022 ഖത്തർ ഫുട്ബോൾ ലോകകപ്പിൽ ചൈനീസ് കമ്പനിയായ മെങ്ന്യൂ ഔദ്യോഗിക സ്പോൺസർമാരാവും. 2018 ലെ റഷ്യൻ ലോകകപ്പിലും മെങ്ന്യൂ സ്പോൺസർമാരായിരുന്നു. ചൈനയിലെ ഏറ്റവും പ്രശസ്തമായ പാൽ ഉല്പന്നനിർമാതാക്കളിൽ ഒന്നാണ് മെങ്ന്യൂ. ഫിഫ ലോകകപ്പിന്റെ വേദികളിലും, ഫിഫ ഓൺലൈനായി നടത്തുന്ന പ്രമോഷൻ പരിപാടികളിലും ഇനി മുതൽ മെങ്ന്യൂവിന്റെ സാന്നിധ്യമുണ്ടാവും.
ചൈനീസ് കമ്പനിയുമായി വീണ്ടും കരാറിലേർപ്പെടാൻ സാധിച്ചതിൽ സന്തോഷമുണ്ടെന്നും, ഗുണനിലവാരമുള്ള ഉത്പന്നങ്ങൾ ഉപഭോക്താക്കൾക്കായി ഒരുക്കുന്ന മെങ്ന്യൂവുമായുള്ള കരാർ, ആരോഗ്യകരമായ ജീവിതം എന്ന സന്ദേശം ഉയർത്തിപ്പിടിക്കാൻ തങ്ങളെ സഹായിക്കുമെന്നും ഫിഫ ജനറൽ സെക്രട്ടറി ഫത്മ സമൗറ അഭിപ്രായപ്പെട്ടു. 2022 നവംബർ 21 മുതൽ ഡിസംബർ 18 വരെയാണ് ഖത്തർ ലോകകപ്പ് അരങ്ങേറുന്നത്.