July 06, 2022
July 06, 2022
ദോഹ: ഖത്തറിൽ നാളെ മുതൽ അടഞ്ഞ പൊതു സ്ഥലങ്ങളിൽ വീണ്ടും മാസ്ക് നിർബന്ധമാക്കി. ബുധനാഴ്ച ചേർന്ന ക്യാബിനറ്റ് യോഗമാണ് തീരുമാനമെടുത്തത്.ആറു വയസ്സും അതിനു മുകളിലും പ്രായമുള്ള എല്ലാവരും ഷോപ്പിംഗ് മാൾ ഉൾപ്പെടെയുള്ള അടഞ്ഞ പൊതുസ്ഥലങ്ങളിൽ മാസ്ക് ധരിക്കണമെന്നാണ് നിർദേശം. അതേസമയം,തുറന്ന പൊതുസ്ഥലങ്ങളിൽ മാസ്ക് നിര്ബന്ധമായിരിക്കില്ല. വരും ദിവസങ്ങളിൽ കോവിഡ് കേസുകൾ ഗണ്യമായി വർധിക്കുമെന്ന് ആരോഗ്യ മന്ത്രാലയം നേരത്തെ മുന്നറിയിപ്പ് നൽകിയിരുന്നു..
കോവിഡ് നിയന്ത്രണങ്ങളിൽ ഇളവ് വരുത്തിയതും അന്താരാഷ്ട്ര തലത്തിൽ വീണ്ടും കോവിഡ് വര്ധിക്കുന്നതുമാണ് ഖത്തറിലും കേസുകൾ വർധിക്കാൻ കാരണം.
എല്ലാവരും മുൻകരുതൽ സ്വീകരിച്ചാൽ ലോക്ക് ഡൌണും വർക്ക് ഫ്രം ഹോമും ഒഴിവാക്കാമെന്ന് എച്.എം.സി സാംക്രമിക രോഗം ഡയറക്ടർ ഡോ: മുന അൽ മസ്ലമാനി ഒരു ടെലിവിഷൻ പരിപാടിയിൽ അറിയിച്ചിരുന്നു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക