December 10, 2022
December 10, 2022
ന്യൂസ്റൂം ബ്യുറോ
ദോഹ :ഹയ്യ കാർഡില്ലാതെ ഖത്തറിലേക്ക് വരുന്നവരുടെ ഇഖാമയിൽ ആറു മാസം കാലാവധിയില്ലെങ്കിൽ വിമാനത്താവളത്തിൽ നിന്ന് തിരിച്ചയക്കും.നിശ്ചിത പ്രൊഫഷനില്ലാതെ വിമാനത്താവളത്തിൽ എത്തുന്നവരെയും ഇത്തരത്തിൽ തിരിച്ചയക്കുന്നതായാണ് റിപ്പോർട്ട്.
കഴിഞ്ഞ ദിവസം സൗദിയിലെ വിവിധ നഗരങ്ങളിൽ നിന്ന് ദോഹ വിമാനത്താവളത്തിലെത്തിയവരെയും ഇത്തരത്തിൽ തിരിച്ചയച്ചതായി റിപ്പോർട്ട് ഉണ്ട്.ദോഹ എമിഗ്രെഷനിലെ പരിശോധനയിൽ ഇഖാമയിൽ ആറു മാസം കാലാവധിയില്ലെന്ന് കണ്ടെത്തിയതിനെ തുടർന്നാണ് പലർക്കും മടങ്ങേണ്ടിവന്നത്.മറ്റു ചില യാത്രക്കാർ സൗദിയിലെ ജോലി ചെയ്യുന്ന സ്ഥാപനവുമായി ബന്ധപ്പെട്ട് കാലാവധി പുതുക്കിയാണ് വിമാനത്താവളത്തിൽ നിന്ന് പുറത്തിറങ്ങിയത്.ഓൺ അറൈവൽ വിസ അനുവദിക്കുന്നതിന് ഖത്തറിൽ പ്രാബല്യത്തിലുള്ള വ്യവസ്ഥകൾ തന്നെയാണ് ഹയ്യ കാർഡ് ഇല്ലാതെ വരുന്നവർക്കും ബാധകമാക്കുന്നതെന്നാണ് സൂചന.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക