August 02, 2023
August 02, 2023
ഖദീജ അബ്രാർ
ദോഹ : ഖത്തർ ഉൾപ്പെടെയുള്ള മിക്ക ഗൾഫ് രാജ്യങ്ങളിലും ഇപ്പോൾ പകൽ സമയങ്ങളിൽ കഠിനമായ ചൂടാണ് അനുഭവപ്പെടുന്നത്.അതുകൊണ്ടുതന്നെ വാഹനമോടിക്കുന്നവർ കൂടുതൽ ജാഗ്രത പാലിച്ചാൽ പല അപകടങ്ങളും ഒഴിവാക്കാനാവും.പെട്രോള് പമ്പുകളില് നിന്ന് ഇന്ധനം നിറക്കുമ്പോള് ആവശ്യമായ സുരക്ഷാ നിര്ദേശങ്ങള് പാലിക്കേണ്ടത് അത്യാവശ്യമാണ്.
പെട്രോള് അടിക്കാന് പമ്പുകളില് കയറുന്ന വാഹനങ്ങള് പാലിച്ചിരിക്കേണ്ട നിബന്ധനകള് അവിടെ തന്നെ എഴുതി വെച്ചിട്ടുണ്ടെങ്കിലും നമ്മളിൽ പലരും ഇത് മനസ്സിരുത്തി വായിക്കാറില്ല എന്നതാണ് യാഥാർഥ്യം.
വാഹനം ഓഫ് ചെയ്യുക, പുകവലി പാടില്ല, മൊബൈല് ഓഫ് ചെയ്യുക തുടങ്ങിയ നിര്ദേശങ്ങളാണ് പെട്രോള് പമ്പുകളില് പതിച്ചിരിക്കുന്നത്.അതി ശക്തമായ ചൂട് കാരണം പമ്പും പരിസരവും കഠിനമായി ചൂടായിരിക്കുന്ന അവസ്ഥയാണ് പകല് സമയം.ഇങ്ങനെ ചൂടായിരിക്കുന്ന സന്ദര്ഭങ്ങളില് ഉണ്ടാകുന്ന ചെറിയ തീപ്പൊരി പോലും വലിയ ദുരന്തത്തിന് ഇടയാക്കിയേക്കും.ചൂട് കൂടിയ കാലാവസ്ഥയിൽ വാഹനങ്ങളില് ഒരു കാരണവശാലും ടാങ്ക് നിറച്ച് പെട്രോള് അടിക്കരുത്. ടാങ്കില് കുറച്ച് സ്ഥലം ഒഴിച്ചിടുന്നതാണ് എപ്പോഴും നല്ലതെന്നാണ് വിദഗ്ധര് അഭിപ്രായപ്പെടുന്നത്.
റേഡിയേറ്ററില് വെള്ളം എപ്പോഴും പരിശോധിക്കുകയും ടയറുകളിലെ കാറ്റിന്റെ നില പരിശോധിച്ച് ഉറപ്പുവരുത്തുകയും വേണം.ചൂട് കാലത്ത് വാഹനങ്ങളുടെ ടയർ പൊട്ടിയുണ്ടാകുന്ന അപകടങ്ങൾ പല ഗൾഫ് രാജ്യങ്ങളിലും റിപ്പോർട്ട് ചെയ്യപ്പെടാറുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm