August 25, 2022
August 25, 2022
ദോഹ : 2022 ലെ ഫിഫ ലോകകപ്പിന് മുന്നോടിയായി നടക്കുന്ന ലുസൈൽ സൂപ്പർ കപ്പ് മത്സരത്തിനുള്ള ടിക്കറ്റ് വിൽപന അടുത്ത 48 മണിക്കൂറിനുള്ളിൽ അവസാനിക്കുമെന്ന് ഖത്തർ ഫിഫ ലോകകപ്പ് സിഇഒ നാസർ അൽ ഖാതർ അറിയിച്ചു.
വിൽപ്പന ആരംഭിച്ച് ആദ്യ മണിക്കൂറിൽ മാത്രം 8,000 ടിക്കറ്റുകൾ വിറ്റഴിച്ചുവെന്നും ഇന്നലെ വരെ (ഓഗസ്റ്റ് 24) 60,000 ടിക്കറ്റുകൾ വിറ്റഴിച്ചതായും ഖത്തർ വാർത്താ ഏജൻസിയോട് അദ്ദേഹം പറഞ്ഞു. ബാക്കിയുള്ളവ അടുത്ത 48 മണിക്കൂറിനുള്ളിൽ വിറ്റുതീരുമെന്നും അദ്ദേഹം കൂട്ടിച്ചേർത്തു
80,000 ആരാധകരെ ഉൾകൊള്ളാൻ ശേഷിയുള്ള ലോകകപ്പിലെ ഏറ്റവും വലിയ സ്റ്റേഡിയത്തിന്റെ ഉദ്ഘാടനത്തോടനുബന്ധിച്ചു നടക്കുന്ന മത്സരത്തിൽ വേളയിൽ ഈജിപ്ത്, സൗദി ലീഗ് ചാമ്പ്യന്മാർ തമ്മിലാണ് മാറ്റുരക്കുക.
സെപ്റ്റംബർ 9 ന് ലുസൈൽ സൂപ്പർ കപ്പ് മത്സരത്തോടെ സ്റ്റേഡിയം ഫുട്‍ബോൾ ആരാധകർക്കായി തുറക്കും.മത്സരത്തോടനുബന്ധിച്ച് അറബ് സംഗീതലോകത്തെ സൂപ്പർ സ്റ്റാറായി അറിയപ്പെടുന്ന അംർ ദിയാബിന്റെ സംഗീതപരിപാടിയും അരങ്ങേറും.
ടിക്കറ്റുകൾ സ്വന്തമാക്കാൻ താഴെയുള്ള ലിങ്കിൽ ക്ലിക്ക് ചെയ്യുക.
https://access.tickets.fifa.com/pkpcontroller/wp/FWCMaint1/index_en.html?queue=05-FWC22-FCFS-PROD
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
