February 24, 2022
February 24, 2022
ദോഹ : വിദേശ ഗാർഹിക തൊഴിലാളികളെ റിക്രൂട്ട് ചെയ്യുന്നതിൽ ക്രമക്കേട് കണ്ടെത്തിയതിനെ തുടർന്ന് അഞ്ച് സ്ഥാപനങ്ങൾ അടച്ചുപൂട്ടിയതായി തൊഴിൽ മന്ത്രാലയം അറിയിച്ചു. റിക്രൂട്ട്മെന്റ് അനുബന്ധ നിയമലംഘനങ്ങൾ കണ്ടെത്താൻ പരിശോധന കർശനമാക്കുമെന്ന് മന്ത്രാലയം പ്രഖ്യാപിച്ചിരുന്നു. പിന്നാലെയാണ് അഞ്ച് സ്ഥാപനങ്ങൾക്കെതിരെ നടപടി എടുത്തത്.
കഴിഞ്ഞ വാരത്തിൽ നടത്തിയ പരിശോധനകളിലും നിരവധി നിയമലംഘനങ്ങൾ തൊഴിൽ മന്ത്രാലയത്തിന്റെ ശ്രദ്ധയിൽ പെട്ടിരുന്നു. 12 റിക്രൂട്ട്മെന്റ് ഓഫീസുകൾ അടച്ചുപൂട്ടുകയും ചെയ്തു. തൊഴിലാളികളുടെ അവകാശങ്ങൾ സംരക്ഷിക്കാനും, ചൂഷണങ്ങളിൽ നിന്ന് അവരെ രക്ഷിക്കാനും തുടർന്നും നടപടികൾ സ്വീകരിക്കും. റിക്രൂട്ട്മെന്റിന് ഈടാക്കുന്ന പരമാവധി തുക, ഗാർഹിക തൊഴിലാളികളുടെ ഗ്യാരന്റി കാലാവധി തുടങ്ങിയ കാര്യങ്ങളിലെ സംശയനിവാരണത്തിന് 40288101 എന്ന ഹോട്ട് ലൈൻ നമ്പറിലൂടെയോ, info@mol.gov.qa എന്ന ഇമെയിൽ വിലാസമുപയോഗിച്ചോ അധികൃതരെ ബന്ധപ്പെടണമെന്നും തൊഴിൽ മന്ത്രാലയം നിർദേശിച്ചു.
