September 08, 2021
September 08, 2021
ദോഹ : അറബ് ലീഗിന്റെ അധ്യക്ഷസ്ഥാനം ഖത്തറിൽ നിന്നും കുവൈത്ത് ഏറ്റെടുത്തു. ഖത്തർ പ്രതിനിധി സലീം മുബാറക്ക് അൽ ഷാഫിയിൽ നിന്നും കുവൈത്ത് പ്രതിനിധി അഹ്മദ് അബ്ദുൾ റഹ്മാൻ അൽ ബക്കർ പദവി ഏറ്റുവാങ്ങി. അറബ് ലീഗിന്റെ 156ആം സെഷനിൽ വെച്ചായിരുന്നു ഈ അധികാരക്കൈമാറ്റം.
മിഡിൽ ഈസ്റ്റിലെ രാജ്യങ്ങൾ അനുദിനം പുരോഗമിക്കുകയാണെന്നും, അതിന്റെ ഗുണങ്ങൾ മിഡിൽ ഈസ്റ്റിലെ എല്ലാ മേഖലയ്ക്കും ലഭിക്കുന്നുണ്ടെന്നും അഭിപ്രായപ്പെട്ട അൽ ഷാഫി, ഫലസ്തീൻ പ്രശ്നത്തിൽ ഐക്യദാർഢ്യം തുടരുമെന്നും വ്യക്തമാക്കി. ഫലസ്തീനിലെ പ്രശ്നങ്ങൾക്കൊപ്പം, സിറിയ, യെമൻ എന്നിവിടങ്ങളിലെ ആഭ്യന്തരപ്രശ്നങ്ങളിലും ഏവരും ഒറ്റക്കെട്ടായി നിലകൊള്ളണമെന്ന് അദ്ദേഹം അഭ്യർത്ഥിച്ചു. ഡിസംബറിൽ നടക്കാനിരിക്കുന്ന ലിബിയയിലെ തിരഞ്ഞെടുപ്പ് പ്രക്രിയയെ കുറിച്ചും അൽ ഷാഫി പരാമർശിച്ചു.