September 16, 2021
September 16, 2021
ഇന്ത്യൻ ട്വന്റി ട്വന്റി ക്രിക്കറ്റ് ടീമിന്റെ നായകസ്ഥാനം ഈ വരുന്ന ലോകകപ്പോടെ ഒഴിയുമെന്ന് പ്രഖ്യാപിച്ച് വിരാട് കോഹ്ലി. ആരാധകർക്കായി എഴുതിയ തുറന്ന കത്തിലൂടെ സമൂഹമാധ്യമങ്ങൾ വഴിയാണ് വിരാട് തന്റെ തീരുമാനം അറിയിച്ചത്.
"കഴിഞ്ഞ അഞ്ചോളം വർഷങ്ങളായി മൂന്ന് ഫോർമാറ്റിലും ഇന്ത്യൻ ടീമിനെ താൻ നയിക്കുകയാണ്. ഇത്രനാളും ആ സ്ഥാനം അലങ്കരിക്കാൻ കഴിഞ്ഞതിൽ ഏറെ സന്തോഷവും അഭിമാനവുമുണ്ട്. എന്നാൽ, ജോലിഭാരം താങ്ങാൻ കഴിയുന്നതിലും അധികമായതിനാൽ ട്വന്റി ട്വന്റി ടീമിന്റെ നായകസ്ഥാനം വരുന്ന ലോകകപ്പോടെ ഒഴിയുകയാണ്" കുറിപ്പിൽ വിരാട് വികാരഭരിതനായി. തന്റെ തീരുമാനം ബിസിസിഐ സെക്രട്ടറി ജയ് ഷാ, പ്രസിഡന്റ് സൗരവ് ഗാംഗുലി, ടീം സെലക്ടേർസ് എന്നിവരെ അറിയിച്ചതായും, ഒരു ബാറ്റ്സ്മാൻ എന്ന നിലയിൽ തന്റെ കഴിവിന്റെ പരമാവധി ഇനിയും രാജ്യത്തിനായി പുറത്തെടുക്കാൻ പരിശ്രമിക്കുമെന്നും താരം കൂട്ടിച്ചേർത്തു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ഈ ലിങ്കിൽ ക്ലിക്ക് ചെയ്യുക : ലിങ്ക്